Umhverfis- og skipulagsnefnd

Minnisblað vegna kostnaðar við sorphirðu lagt fram. Viðræður standa yfir við Hringrás um núgildandi samning og fyrirhugaðar breytingar á gjaldskrá fyrir árið 2026.

Minnisblað vegna fjölda og tegund sorpíláta við íbúðir í Borgartúni í Öræfum lagt fram. Óskað er eftir stærri sorpílátum sem verða samnýtt og núverandi sorpílátum fækkað fyrir vikið.

Á 103. fundi umhverfis- og skipulagsnefndar var staðsetning sorpíláta ákveðin innan þéttbýlsi Hafnar. Erindi hefur borist frá Golfklúbbi Hornafjarðar þar sem óskað er eftir sorpíláti við göngustíg í nálægð við golfskálann.

Sótt var um styrk hjá Framkvæmdasjóði ferðamannastaða fyrir árið 2026 vegna uppbyggingar á Leiðarhöfða.

Lagt er fram erindi þar sem óskað er eftir staðfestingu sveitarfélagsins á merkjalýsingu fyrir Stafafell fjárhús, þar sem gert er ráð fyrir uppskiptingu landeignar.

Lagt er fram erindi þar sem óskað er eftir staðfestingu sveitarfélagsins á merkjalýsingu fyrir Sandfell, þar sem gert er ráð fyrir uppskiptingu landeignar.

Frá því í vor hefur verið unnið að gerð framtíðarsýnar í málefnum aldraðra fyrir árin 2026-2034 í Sveitarfélaginu Hornafirði. Haldnar voru vinnustofur í þéttbýlinu í apríl og maí, niðurstöður þeirra lagðar fyrir íbúaráð í dreifbýli og haldin voru opin hús í félagsheimilum í dreifbýlinu dagana 9.-11. september. Nú liggja fyrir drög að stefnunni sem byggja á þeirri vinnu sem hefur farið fram og lagðar eru fyrir fastanefndir sveitarfélagsins til kynningar og umsagnar.

Erindi lóðarhafa Hafnarbrautar 13 lagt fram. Í erindinu er óskað eftir að lóðarmörk Hafnarbrautar 13 verði flutt til suðurs og verði samliggjandi lóðarmörkum Hafnarbrautar 13a en þar stendur spennistöð Rarik.

Lögð eru fram drög að útliti fyrirhugaðrar byggingar að Hafnarbraut 13 en skv. lóðarumsókn var sótt um að reisa fjölbýlishús. Óskað er eftir afstöðu nefndar við framlögðum áformum. Lóðin er staðsett á miðsvæði M1 en ekki liggur fyrir deiliskipulag sem nær yfir svæðið. Í aðalskipulagi Hornafjarðar kemur fram að "Við skipulag og byggingu svæðisins skal leggja áherslu á að styrkja heildaryfirbragð byggðarinnar, fylla í bæjarmyndina svo hún verði samfelld. Meðfram Hafnarbraut frá Bogaslóð að Hafnarvík skal virða byggðarmynstur gömlu byggðarinnar og byggja á forsendum hennar. Íbúðabyggð með ívafi verslunar, þjónustu og menningarstarfs. Byggingar á einni til tveimur hæðum."

Bæjarráð samþykkti á fundi nr. 1192 að vísa málinu til umræðu í umhverfis- og skipulagsnefnd. Samkvæmt gildandi skilmálum deiliskipulags eru Hafnarbraut 4-6 með samliggjandi byggingarreit.

Erindi landeigenda Kálfafellsstaðar í Suðursveit lagt fram. Í erindinu er óskað eftir að svæði verði afmarkað í aðalskipulagi vegna fyrirhugaðrar svifferju. Í erindi er einnig óskað eftir því að svæði verði afmarkað undir verslun- og þjónustu ásamt frístundabyggð sunnan þjóðvegar 1 við Hrollaugsstaði.

Tekin er fyrir umsókn Ferðaþjónustunnar Hoffells ehf. þar sem óskað er eftir að framkvæma um 30 prufuholur á um 5.000 m² svæði á jökulöldunni við Hoffellslón. Engar jarðtæknilegar rannsóknir hafa farið fram á svæðinu fram til þessa og því er óvissa um jarðvegs- og grundunaraðstæður. Gert er ráð fyrir að rannsóknir fari fram veturinn 2025-2026.

Íbúaráð Suðursveitar og Mýra óskaði eftir því við bæjarráð að sett verði upp leiksvæði við Hrollaugsstaði norðan við íþróttavöllinn og vestan við ruslaportið.

Tekin er fyrir umsókn um framkvæmdaleyfi vegna vegagerðar og vinnu við veitur vegna fyrsta áfanga Hagahverfis. Fyrirhugað er undirbúa lagna- og gatnagerð fyrsta áfanga en í honum er gert ráð fyrir að fjarlægja um 15.000m³ og koma fyrir um 12.000 m³ í fyllingar. Umframjarðvegi verði komið í manir skv. gildandi deiliskipulagi en það umframefni sem ekki verður nýtt í manir fari á efnislosunarstað. Á hluta vegsvæðis verður komið fyrir fargi. Framkvæmdin er í samræmi við gildandi deiliskipulagsskilmála.

Tekin er fyrir umsókn Bjarna Jakobssonar um að breyta sumarhúsi að Freysmörk 8 í íbúðarhús. Samkvæmt aðalskipulagi er lóðin Freysmörk 8 staðsett á frístundabyggð. Deiliskipulag er í gildi sem nær yfir svæðið.

Tekin er fyrir ósk Golfklúbbs Hornafjarðar um að losa allt að 30.000m³ af jarðefni á golfvöllin en til stendur að fara í landmótun á svæði innan golfvallar.

Orka Náttúrunnar (ON) óskar eftir að fá lóðarvilyrði fyrir lóðina við Nettó til þess að setja upp hraðhleðslustöð. Einnig er óskað eftir hverfahleðslustöðvum við Sundlaug Hafnar og á Víkurbraut.

Tekin er fyrir umsókn lóðarhafa að Heppuvegi 2a þar sem óskað er eftir lóðarstækkun um 1 m til suð-austurs. Áform eru um að reisa sólskála við gafl hússins. Í skilmálum deiliskipulags kemur fram að "Heimilt skal að byggja nýtt hús á lóð Íshússins (sameiginlegri lóð Graðalofts og Íshússins) sem hafi annað hvort form og umfang Íshússins eða Vindheima".

Minnisblað sviðsstjóra umhverfis- og framkvæmdasviðs vegna ofanvatnslausna í Hagahverfi lagt fyrir.

Tekið er fyrir erindi lóðarhafa Vesturbrautar 9 þar sem óskað er eftir að stækka bílastæði við húsið en núverandi innkeyrsla er um 6,5m breið. Lóðarhafi áformar að fara í framkvæmdir vegna veitustofna og óskar eftir að koma fyrir auka bílastæði.

Tekið er fyrir erindi Rarik vegna lóðar undir spennistöð við Hafnarbraut 60. Framkvæmdir við Hafnarbraut 60A eru hafnar og lóðinni að Hafnarbraut 60c hefur þegar verið úthlutað. Í erindi er einnig óskað eftir lóð undir spennistöð í Hagahverfi.

Tekin er fyrir umsókn Rarik um að plægja rafstreng frá Stekkakletti að fyrirhuguðu hringtorgi við nýjan hringveg. Um er að ræða um 350m langan lágspennustreng.