Umhverfis- og skipulagsnefnd

Framlagt minnisblað um breytingu á sorphirðu. Við gerð sorphirðudagatals fyrir árið 2022 bárust tvær tillögur frá ÍGF um breytingu á sorphirðu.

Framlagt minnisblað um gjaldskrá söfnunarstöðvar í kjölfar erindis frá íbúa í dreifbýli.

Framlagt minnisblað um kaup á aukabúnaði fyrir hraðavarnarskilti sveitarfélagsins.

Farið yfir tilnefningar til umhverfisviðurkenninga 2021 og viðurkenningarhafar valdir.Þá er einnig lögð fram tilnefning sem barst 1. október en frestur til að senda inn tilnefningar var til og með 22. ágúst.

Samkvæmt lögum um meðhöndlun úrgangs ber sveitarfélögum að semja og staðfesta svæðisáætlun um meðhöndlun úrgangs. Áætlunin skal gilda til tólf ára í senn og er sveitarfélögum frjálst að vinna slíka áætlun í samstarfi við fleiri sveitarfélög. Sveitarfélagið hefur verið í viðræðum við Skaftárhrepp og Mýrdalshrepp um slíkt samstarf og hefur fengið tilboð í gerð svæðisáætlunar. Lagt er til að tilboði Environice verði tekið.

Lögð fram drög að umhverfisstefnu eftir vinnufund.

Straumhvarf ehf. sækir um endurnýjun á stöðuleyfi fyrir torgsöluhús í Skaftafelli. Vatnajökulsþjóðgarður samþykkti að veita leyfi landeigenda til endurnýjunar. Stöðuleyfi eru veitt til allt að 12 mánaða og eru ekki gefin út aftur fyrir sömu lausafjármuni á sömu landeign nema með samþykki umhverfis- og skipulagsnefndar. Umsóknir verða þá metnar m.t.t.: landnotkunar, útsýnis, skuggavarps, innsýnar, öryggis og hávaða.

Arcanum Fjallaleiðsögumenn ehf. sækir um endurnýjun á stöðuleyfi fyrir torgsöluhús í Skaftafelli. Vatnajökulsþjóðgarður samþykkti að veita leyfi landeigenda til endurnýjunar.Stöðuleyfi eru veitt til allt að 12 mánaða og eru ekki gefin út aftur fyrir sömu lausafjármuni á sömu landeign nema með samþykki umhverfis- og skipulagsnefndar. Umsóknir verða þá metnar m.t.t.: landnotkunar, útsýnis, skuggavarps, innsýnar, öryggis og hávaða.

Sverrir Þórhallsson tilkynnir minnihátta breytingu á húsi að Bjarnahól 9. Um er að ræða breytingu á innskot við anddýri undir þakskyggni. Settir eru tveir veggir og með því stækkar flatarmál hússins um 4,7 fm. Ekki er til gildandi deiliskipulag fyrir svæði.

Gunnar Örn Olgeirsson óskar eftir leyfi til niðurrifs og endurbyggingu bílskúrs að Bogaslóð 16. Fyrirhuguð er að stækka bílskúr um 1-1,25m í átt að götu. Ekkert deiliskipulag er í gildi á svæðinu.

Pétur Ágúst Unnsteinsson tilkynnir framkvæmd á lóð Hlíðartún 3. Fyrirhuguð er að byggja óeinangraða útigeymslu í framhaldi að bílskúr sem nær að lóðarmörkum til vesturs. Ekki er til gildandi deiliskipulag fyrir svæði en talið verður að framkvæmd sé í samræmi við aðalskipulag.

Borgþór Freysteinsson óskar eftir heimild til að víkja frá kröfum deiliskipulags frístundasvæðis Stafafellsfjöll í Lóni. Í greinargerð deiliskipulagsins kemur fram að aðalhús má vera allt að 120m² og ekki minna en 30m², en aukahús getur verið allt að 30m², þó ekki stærra en helmingur af stærð aðalhúss. Fyrirhuguð er að reisa 36,1m² frístundahús á lóð nr. 8 og hafa það sem aðalhús, en núverandi 22,3m² bústað sem aukahús. Óskað er eftir því að vikið sé frá kröfum í deiliskipulagi um að auka hús gæti ekki verið stærra en helmingur af stærð aðalhús. Í deiliskipulagi er einnig miðað við að húsin falli sem best að landi og að stefna aðalmænis fylgi sem mest meginstefnu í landinu og verði að jafnaði samsíða hlíðum, en staðsetning hússins er sýnd á uppdráttum. Grenndarkynning var send á landeigendur sem hafa allir skilað umsögnum. Ein umsögn hefur verið dregin til baka.

Selbakki ehf. óskar eftir samþykki fyrir skiptingu Flateyjarjarðarinnar og staðfestingu á að skiptingin sé í samræmi við skipulagsáætlanir sveitarfélagsins. Flatey, landeignarnúmer L160084, er 2.095,6 ha jörð, en ætluð er að skipta 1.458,1 ha landsvæði út ur henni sem fær heiti "Selbakki". Eigandinn gerði grein fyrir áhrifum skiptingar á búrekstrarskilyrði á jörðinni.

Eigendur Skaftafells III og IV óska eftir staðfestingu sveitarfélagsins á breytingu á innra afmörkun Skaftafells III og IV skv. meðfylgjandi gögnum.Um er að ræða viðauka við landskiptasamning H-21/2015.

Lovísa Rósa Bjarnadóttir og Jón Kjartansson óska eftir samruna Hólaness við Háhól. Einnig er óskað eftir jákvæðri umsögn sveitarfélagsins um að skrá Háhól L189543 sem lögbýli. Eigendur hafa stundað geitarækt undir nafni Háhóll geitabú og áform eru hjá þeim að stækka búið. Um er að ræða 79,2 ha svæði. Mestur hluti landsins er gróið land og gott til beitar. Skv. aðalskipulagi er landnotkun svæðis landbúnaðarsvæði.

Hornafjarðarhöfn hefur óskað eftir framkvæmdaleyfi vegna dýpkunarframkvæmda á Grynnslum úti fyrir innsiglingu að Hornafjarðarhöfn. Dýpið á Grynnslunum gerir það að verkun að innsiglingin er oft ófær, að vetri til, í lengri tíma. Innsiglingin takmarkast við 3,5 m ölduhæð og því getur það gerst mjög oft að vetri til og hefur það komið fyrir að ófært er til hafnarinnar í 2 vikur til hafnarinnar á stærri skipum. Gert er ráð fyrir að dýpkunin fari fram á næstu vikum. Sótt er um leyfi fyrir flutningi á efni um 30.000 m3 þar sem losunarstaður verður sá sami og árið 2015 þegar síðast var dýpkað á Grynnslum.

Hornafjarðarhöfn og Vegagerðin sækja um framkvæmdaleyfi vegna viðhaldsdýpkunar innan hafnarinnar. Gert er ráð fyrir að dælt verði upp efni allt að 30.000 m3 úr höfninni að þessu sinni. Dýpkunin verður austast í höfninni vegna löndunar á loðnu á komandi vertíð. Gert er ráð fyrir að losunarstaður verði sunnan við Ósland, innan hafnarsvæðis. Leitast verður við að nýta efni til upphækkunar á lóðum í Óslandi og/eða sem farg á lóðir á Leirusvæði II.

Fyrir liggur umsókn Vegagerðarinnar um endurútgáfu framkvæmdaleyfis vegna Hringvegar um Hornafjörð milli Hólms og Dynjanda. Nánari hönnun og reynslutölur sigs í fyrsta áfanga hefur leitt til breytinga varðandi efnistöku. Óskað er eftir heimild fyrir aukinni efnistöku í námu nr. E48 Hólmsá, nr. E44 Djúpá, nr. E34 Hornafjarðarfljót og nr. E35 Skógey. Aukin efnistaka úr námunum er í samræmi við mat á umhverfisáhrifum, álit Skipulagsstofnunar og fyrirliggjandi skipulagsáætlanir. Vegagerðin óskar eftir að framkvæmdatími verði til ársloka 2025.

Icelandair Hotels hefur sent inn fyrirspurn vegna lóða við hótel á horni Ránarslóðar og Óslandsvegar.

Umhverfis- og skipulagsnefnd leggur til að afmörkuð verði lóð skv. tillögu Rarik í samráði við hafnarstjóra og skipulagsráðgjafa deiliskipulags í Óslandi.

Fyrirspurn vegna byggingar á lóðum 1 og 2 við Borgartún í Öræfum. Óskað er heimildar til að byggja á annarri lóðinni 550 m2 hús á einni hæð fyrir starfsfólk. Um yrði að ræða hús með 5 tveggja manna herbergjum og 20 einstaklingsherbergjum fyrir starfsmenn og sameiginleg rými.

Óskað er eftir lóð við Hagaleiru undir Fiskhól og byggð verði lítil raðhús.

Deiliskipulag fyrir Brunnhól var auglýst frá 22. september 2021 til 2. nóvember 2021. Skipulagið hafði áður verið auglýst og staðfest í bæjarstjórn árið 2018. Skipulagsreiturinn er fullbyggður. Engar umsagnir eða athugasemdir bárust.

Tillögur til umræðu í framhaldi af íbúafundi um framtíðaríbúðabyggð.

BM Vallá sækir um framkvæmdaleyfi vegna fyrirhugaðrar efnistöku, allt að 4500 m3 úr Skeiðarárnámu austan Skeiðarár. Náman er með númerið E75 í aðalskipulagi. Áætlað er að efnisvinnsla standi yfir frá nóvember 2021 til vors 2022. Steinefnið verður haugsett og flutt í áföngum að steypustöð sem staðsett verður við Núpsvötn. Þegar efnistöku lýkur verður náman frágengin og sléttuð svipað og gert var í fyrri áfanga 1998.Leyfi landeiganda liggur fyrir.

Óskað er eftir breytingum á lóðamörkum 17A án breytinga á deiliskipulagi. Ekki er um nein áform lóðareiganda að byggja meira á lóðinni en vill hafa rýmilegt í kringum sig og segist vilja tryggja að ekki verði byggt framan við hann.Staðfesting allra landeigenda liggur fyrir.

Gunnar Ásgeirsson óskar eftir því að gerð verði óveruleg breyting á deiliskipulagi í samræmi við afgreiðslu siðasta fundar.