Umhverfis- og skipulagsnefnd

Landvernd býður kjörnum fulltrúum og starfsmönnum sveitarfélaga þátttöku í námskeiðinu Loftslagsvernd í verki.

Framlagt erindi um sjálfvirka veðurathugunarstöð fyrir urðunarstaðinn í Lóni.

Framlagt erindi frá Náttúrufræðistofu Suðausturlands um söfnun refahræja á svæðinu.

Skipulagsstofnun óskar eftir umsögn sveitarfélagsins vegna tilkynningarskyldrar framkvæmdar skv. lögum um umhverfismat framkvæmda og áætlana nr. 111/2021.

Rannver Olsen sækir um heimild til þess að hafa þakskyggni á húsi við Hagaleiru 9 óverulega út fyrir byggingarreit.

Meðalfell ehf. sækir um byggingarleyfi fyrir viðbyggingu við íbúðarhús á Meðalfelli. Um er að ræða sólstofu á tveim hæðum, aðalhæð og rishæð, á suðurhlið hússins. Ekki er til gildandi deiliskipulag fyrir svæði.

Ferðafélag Austur-Skaftfellinga óskar eftir heimild til að reisa skálavarðarhús við Múlaskála á Lónsöræfum án deiliskipulagsgerðar. húsið verður sirka 14 til 16 fermetrar að stærð og úr timbri með járn klæddu þaki.

Sótt er um að fá að merkja 3 bílastæði þar sem núverandi bílastæði Sigurhæðar eru.

Fyrirspurnarteikningar frá Arcanum Fjallaleiðsögumenn ehf. vegna breytinga á skipulagsskilmálum lóða á Borgartúni 3 og 5 í Hofi. Óskað er heimildar til að byggja bílskúra og hluta af húsum utan byggingarreits. Bílskúrar yrðu þá sambyggðir á lóðarmörkum. Fyrirhuguð er að innrétta þá t'imabundið sem mötuneyti/samverurými fyrir starfsmenn fyrirtækis. Leitast verður við að hanna íbúðarhúsin og bílskúra þannig að auðvelt verði að breyta þeim í tvö aðskilin íbúðarhús. Nýr sameiginlegur gólfkóti yrði 62,5m.

Fyrir hönd eigenda Heppuvegar 9 (merkt 5 í núverandi skipulagi), vilja Kaa arkitektar óska eftirþví að Heppuvegur 5 verði framvegis skilgreindur innan deiliskipulagsreits Heppunnar.

Greinargerð og umsókn um leyfi til að hefja vinnu að skipulagi á lóðum nr 4 og 6 við Hafnarbraut.

Óskað er eftir heimild til að hefja skipulagsvinnu vegna virkjunar og svifferju sem er áformað að reisa í Birnudal í Suðursveit.

Vatnajökulsþjóðgarður leggur fram tillögu að skipulagslýsingu vegna heildarendurskoðunar deiliskipulags Skaftafells. Lýsingin hefur áður verið samþykkt á 101.fundi svæðisráðs suðursvæðis 1.11.2021 og 165. fundi stjórnar þjóðgarðsins 15.11.2021.Núgildandi deiliskipulag (Skaftafell, þjónustusvæði) tók gildi árið 2013 og var breytt 2016. Þótt ekki sé langtum liðið hefur þróun undanfarinna ára, ekki síst vaxandi fjöldi ferðamanna, gefið tilefni til þess að spyrja tiltekinna grunnspurninga um framtíðarfyrirkomulag mannvirkja og aðstöðu.

Vatnajökulsþjóðgarður óskar eftir heimild til að breyta staðsetningu á bílastæði við Nýgræðuöldur frá því sem kynnt hefur verið í deiliskipulagi. Færslan er um 400 m og er talin betri með tilliti til tenginga við göngustíga og færslan er talin hafa jákvæð áhrif á umferðaröryggi. Bílastæðið við Nýgræðuöldur mun leysa af hólmi 3 lítil malarstæði og vegtengingum við þjóðveg 1 fækkað úr 3 í 1.

Hafnarstjórn Hornafjarðar leggur fram skipulagslýsingu vegna deiliskipulags við Ósland. Fyrirhugað er að gera breytingar á gildandi deiliskipulagi Hornafjarðarhafnar við Ósland. Breytingarnar eru sumar sértækar og ná til einstakra lóða en einnig þarf að gera breytingar á almennum skilmálum sem ná til alls svæðisins. Þar sem fyrirhugaðar breytingar eru talsvert margar var sú ákvörðun tekin að taka deiliskipulagið til endurskoðunar í heild sinni. Gildandi deiliskipulag, dags. 03.09.2015, fellur úr gildi við samþykkt nýs deiliskipulags. Meginmarkmið endurskoðunarinnar er að tryggja skilvirka nýtingu og markvissa uppbyggingu á hafnarsvæðinu

Lögð fram tillaga að deiliskipulagi til umfjöllunar. Markmið deiliskipulagsins er að fjölga íbúðum á svæðinu. Stefnt er að því að móta hverfi sem hentar ólíkum fjölskyldugerðum. Tryggja skal gott aðgengi að félagsheimilinu Hrollaugsstöðum. Skapa skal ramma utan um opin svæði við Hrollaugsstaði.

Yfirferð yfir stöðu deiliskipulagsvinnu vegna íbúðarbyggðar á Leirusvæði. Lagt fram til kynningar.

Framlögð til kynningar gjaldskrá fyrir fráveitu Sveitarfélagsins Hornafjarðar.

Framlögð til kynningar drög að gjaldskrá fyrir vatnsveitu Sveitarfélagsins Hornafjarðar í samræmi við leiðbeiningar samgöngu og sveitarstjórnarráðuneytis vegna ákvörðunar vatnsgjalds skv. lögum um vatnsveitur, nr. 32/2004.

Framlögð til kynningar gjaldskrá gatnagerðagjalda, byggingagjalda og þjónustu embættis byggingarfulltrúa Sveitarfélagsins Hornafjarðar.

Gjaldskrá samþykkt í janúar 2021 fylgir málinu. Gjaldskráin hefur ekki verið uppfærð en er til umræðu í nefndinni.

Framlögð drög að gjaldskrá fyrir söfnunarstöð sorps á Höfn í Sveitarfélaginu Hornafirði.

Framlögð drög að gjaldskrá fyrir skipulagsmál og umhverfismál.

Framlögð til kynningar drög að gjaldskrá fyrir refa- og minkaveiði í Sveitarfélaginu Hornafirði.

Úrskurðarnefnd umhverfis- og auðlindamála hefur tekið fyrir mál nr. 109/2021, kæra á ákvörðun bæjarstjórnar Sveitarfélagsins Hornafjarðar frá 12. maí 2021 um að samþykkja nýtt deiliskipulag vegna þéttingar byggðar í Innbæ á Höfn í Hornafirði.Úrskurðarorð: Hafnað er kröfu kærenda um ógildingu ákvörðunar bæjarstjórnar Sveitarfélagsins Hornafjarðar frá 12. maí 2021 um að samþykkja deiliskipulag vegna þéttingar byggðar í Innbæ á Höfn.