Umhverfis- og skipulagsnefnd

Elísabet Björney Lárusdóttir, umhverfisstjórnunarfræðingur, kynnir helstu niðurstöður úttektar á meðhöndlun úrgangs í sveitarfélaginu.

Vegna þeirra meiriháttar breytinga sem framundan eru á úrgangsstjórnun sveitarfélaga boðar Samband íslenskra sveitarfélaga og umhverfis-, orku- og loftslagsráðuneytið til verkefnisins "Samtaka um hringrásarhagkerfi".

Tillaga að deiliskipulagi fyrir miðsvæði Hafnar lögð fram. Markmið með deiliskipulaginu er m.a. að styrkja miðsvæði bæjarins umhverfis skóla- og íþróttasvæðið og efla svæðið sem aðlaðandi útivistarsvæði til samverustunda og mannfagnaðar, allan ársins hring. Tillögurnar eru byggðar á þarfagreiningum starfshópa um íþrótta-, skóla, og útivistarsvæði frá 2015 og 2017, Skipulagsforsögn og Forsendugreiningu sem ráðgjafafyrirtækið Alta vann fyrir sveitarfélagið 2018 og 2019.

Lögð fram tillaga að breytingu á aðalskipulagi þar sem íbúðarbyggð á Leirusvæði ÍB1 stækkar til suðvesturs og opið svæði OP2 minnkar að sama skapi. Markmið breytingarinnar er að skapa rými í íbúðarbyggðinni fyrir nýja raðhúsalóð neðan við Fiskhól.

Framlagður úrskurður Úrskurðarnefndar umhverfis- og auðlindamála í máli nr. 176/2021.Felld er úr gildi ákvörðun bæjarstjórnar frá 11. nóvember 2021 um að víkja frá kröfu 2. mgr. 43. gr. skipulagslaga nr. 123/2010 um breytingu á deiliskipulagi vegna byggingar frístundahúss á lóð nr. 8 í Stafafellsfjöllum. Samkvæmt úrskurðinum var sveitarfélaginu ekki heimilt að veita undanþágu frá breytingu á deiliskipulagi þar sem undanþáguákvæði 3. mgr. 43. gr. skipulagslaga ber að túlka þröngt, enorðalag ákvæðisins ber skýrt með sér að hagsmunir kæranda mega í engu skerðast hvað varðar landnotkun, útsýni, skuggavarp eða innsýn. Þrátt fyrir að undanþágan snúi að því að byggja megi minna hús en deiliskipulagsskilmálar heimila og einnig telur úrskurðarnefndin að þrátt fyrir að skipulagsskilmáli deiliskipulagsins um mænistefnu sé til viðmiðunar verði að telja fyrirhugað frávik verulegt miðað við meginstefnu lands og hlíðar.

Lögð fram tillaga að deiliskipulagi þar sem bætt er við einni raðhúsalóð við Hagaleiru fyrir 6 íbúðir. Markmið með breytingunni er að koma til móts við eftirspurn eftir íbúðarhúsnæði á Höfn. Samhliða verður breytt afmörkun deiliskipulags Tjaldsvæðis á Höfn og afmörkun íbúðarsvæðis ÍB1 í aðalskipulagi sveitarfélagsins Hornafjarðar 2012-2030.

Lagt eru fram uppkast að tveimur útfærslum á breyttu skipulagi fyrir nýja lóð og byggingarreit fyrir hús með blandaða starfsemi. Unnið af EFLU verkfræðistofu, dagsett 25.02.2022.

Óskað er heimildar vegna frávika frá/breytinga á deiliskipulagi. Jóhannes Hjalti Danner sækir um heimild til þess að hafa þakskyggni á SA horni húss við Hagaleiru 12 óverulega út fyrir byggingarreit.

Birgir Árnason og Auður Lóa Magnúsdóttir sækja um heimild fyrir um 20m² skýli við hús á Sandbakka 7. Lóðin er á svæði C3 skv. gildandi deiliskipulagi miðbæjar, en um það kemur fram að hámarksnýtingarhlutfall er 0,3. Skv. Þjóðskrá er núverandi nýtingarhlutfall lóðar 0,39. Ekki eru sýndir byggingarreitir á skipulagsuppdrætti.

Lögð fram tillaga að lýsingu fyrir breytingar á deiliskipulagi Útbæjar.

Lögð fram tillaga að breytingu á deiliskipulagi Hafnarvík Heppu. Byggingarreitir lóða við Hafnarbraut 4 og 6 stækka og verða samtengdir. Heimild verður fyrir þriggja hæða byggingu og kjallara á lóð nr. 6 og allt að tveggja hæða viðbyggingu og kjallara á hluta á lóð nr. 4. Gert er ráð fyrir um 20 bílastæðum í kjallara.

Markmið með deiliskipulagi þessu er að sníða ramma utan um byggð lítilla húsa á jörðinni Skaftafell III og staðsetja grunninnviði. Deiliskipulagstillagan var í auglýsingu frá 19. nóvember 2021 til 3. janúar 2022. Umsagnir bárust frá Vatnajökulsþjóðgarði, Veðurstofu Íslands, Minjastofnun, Vegagerðinni, HAUST og Árna Benediktssyni. Samráðsfundur vegna tillögunnar með Vegagerðinni og Vatnajökulsþjóðgarði var haldinn þann 15. febrúar 2022. Gerðar hafa verið eftirfarandi breytingar á tillögunni frá auglýsingu: * Texta um gróður á deiliskipulagssvæðinu hefur verið breytt lítillega. * Bætt hefur verið inn texta um útilýsingu á deiliskipulagssvæðinu. * Texta um tengingu við þjónustuhlað Vatnajökulsþjóðgarðs í Skaftafelli með göngustíg og göngubrú hefur verið breytt. * Göngustígur og -brú/-brýr hefur verið afmáð af uppdráttum. * Texti um mögulega tengingu við vatnsveitur Vatnajökulsþjóðgarðs í Skaftafelli hefur verið fjarlægður. * Það sem áður var kallað „veghelgunarsvæði“ á deiliskipulagssvæði á uppdráttum er nú „vegsvæði“. * Bætt hefur verið inn skýringu í texta um að lega rafstrengs sem sýnd er að deiliskipulagssvæðinu sé leiðbeinandi.

Lögð fram tillaga lóðarhafa að frágangi á lóðamörkum við göngustíg.

Lögð fram tillaga að óverulegri breytingu á deiliskipulagi Hafnarvík Heppa vegan breytinga á Miklagarði, Verðandi og Graðalofti.