Umhverfis- og skipulagsnefnd

Nefndir sveitarfélagsins hafa fjallað um umhverfis- og loftlagstefnu sveitarfélagsins og gera ekki athugasemdir við hana.

Framlögð drög að grænu bókhaldi fyrir urðunarstaðinn í Lóni fyrir árið 2021 ásamt fylgiskjölum.

Framlagt minnisblað um styrki umhverfis-, orku-, og auðlindaráðuneytisins til eflingar hringrásarhagkerfisins fyrir árið 2022.

Framlagðar niðurstöður könnunar meðal sumarhúsaeigenda í Stafafellsfjöllum í Lóni um sorphirðuþjónustuna sem boðið var upp á síðasta sumar.

Bæjarráð vísaði málinu til umhverfis- og skipulagsnefndar og vinnu við gerðar umferðaröryggisáætlunar.

Framlagðar hugmyndir Umhverfishóps Nýheima um möguleika á grænu svæði milli Nýheima og Ráðhússins.

Einar Jóhann Sigurðsson sækir um byggingarheimild til að byggja 59,2 m² bílskúr á lóð Miðtún 24 skv. framlögðum teikningum. Ekki er til gildandi deiliskipulagi fyrir svæði, en skv. aðalskipulagi er lóð á íbúðarsvæði ÍB9. Mál hefur þegar verið tekið til afgreiðslu. Bæjarstjórn samþykkti grenndarkynningu og byggingaráform á 255. fundi þann 16.10.2018, en skv. 4. mgr. 44. gr. skipulagslaga 123/2010 skal grenndarkynning fara fram að nýju áður en leyfi er veitt, þar sem byggingar- eða framkvæmdaleyfi á grundvelli grenndarkynningar hafi ekki verið gefið út innan eins árs frá afgreiðslu bæjarstjórnar.

Birgir Árnason og Auður Lóa Magnúsdóttir sækja um heimild fyrir um 20m² skýli við hús á Sandbakka 7. Lóðin er á svæði C3 skv. gildandi deiliskipulagi miðbæjar, en um það kemur fram að hámarksnýtingarhlutfall er 0,3. Skv. Þjóðskrá er núverandi nýtingarhlutfall lóðar 0,39. Ekki eru sýndir byggingarreitir á skipulagsuppdrætti.

Skinney-Þinganes hf. óskar eftir endurnýjun á stöðuleyfi fyrir sex gáma að Miðós 17 sem notaðir eru til framleiðslu á þurrkaða nagvöru fyrir gæludýr. Samkvæmt reglum um gáma, báta og aðra lausafjármuni í Sveitarfélaginu Hornafirði þarf samþykki umhverfis- og skipulagsnefndar til að gefa út aftur stöðuleyfi fyrir sömu lausafjármuni á sömu landeign.

Gísli Sigurjón Jónsson óskar eftir samþykki fyrir skiptingu Hnappavalla 1 L160164 og staðfestingu á að skiptingin sé í samræmi við skipulagsáætlanir sveitarfélagsins. Fyrirhuguð er að skipta út 3 landeignir úr jörðinni: Hjáleiga - landeignarnúmer L233485, Flatatún - landeignarnúmer L233486 og Mói - landeignarnúmer L233487. Samanlögð stærð þeirra er 2,21 ha. Hvorki hlunnindi né lögbýlisréttur fylgir lóðum. Landskipti mun ekki hafa áhrif á búrekstrarskilyrði.

Finnur vék af fundi undir þessum lið. Þórhallur Malmquist Einarsson óskar eftir heimild fyrir viðbyggingu við íbúðarhús á Sandbakka 15. Um er að ræða u.þ.b. 17 fm stækkun til vesturs skv. framlögðum teikningum. Fyrirhugað er að reisa viðbyggingu á þegar steyptan sökkul og plötu sem steypt voru með sökkli hússins á sínum tíma. Lóðin er á svæði C3 skv. núgildandi deiliskipulagi miðbæjar, en um það kemur fram að hámarksnýtingarhlutfall er 0,3. Skv. Þjóðskrá er núverandi nýtingarhlutfall lóðar 0,34. Ekki eru sýndir byggingarreitir á skipulagsuppdrætti. Umhverfis- og skipulagsnefnd samþykkti að auglýsa grenndarkynningu skv. 2. mgr. 43. gr. skipulagslaga á fundi sínum þann 06.01.2022.

Golfklúbbur Hornafjarðar sækir um byggingarheimild fyrir litla viðbyggingu við hús að Dalbraut 12. Um er að ræða lokun innskots til að stækka anddýri skv. framlögðum teikningum. Auk þess eru kynntar breytingar á innra skipulagi og lögnum. Ekki er til gildandi deiliskipulag fyrir svæði. Mannvirki er staðsett á ÍÞ2 svæði skv. aðalskipulagi sveitarfélagsins og er því framkvæmd í samræmi við aðalskipulag.

Verkfærni ehf. sækir um byggingarleyfi fyrir einbýlishús að Hraunhóll 1. Um er að ræða u.þ.b. 280 fm hús allt að 4,5 m að hæð samkvæmt framlögðum teikningum. Ekki er til gildandi deiliskipulag fyrir svæðið. Lóð er staðsett á ÍB10 svæði skv. aðalskipulagi sveitarfélagsins og er því framkvæmd í samræmi við aðalskipulag.

Sótt er um stækkun lóðar fyrir bílastæði.

Tillaga að svæðisskipulagi Austurlands og umhverfismatsskýrsla hennar hefur verið birt til kynningar og umsagnar í samráðsgátt stjórnvalda og á vef Austurbrúar og verður aðgengileg þar til og með 21. apríl nk. Óskað er umsagnar sveitarfélagsins Hornafjarðar.

Lögð fram tillaga að breytingu á aðalskipulagi þar sem íbúðarbyggð á Leirusvæði ÍB1 stækkar til suðvesturs og opið svæði OP2 minnkar að sama skapi. Markmið breytingarinnar er að skapa rými í íbúðarbyggðinni fyrir nýja raðhúsalóð neðan við Fiskhól. Málið var áður tekið fyrir á fundi nefndarinnar 3. mars. Lagt er til að málið fái afgreiðslu sem óveruleg breyting á aðalskipulagi.

Íbúafundur var haldinn á Hrollaugsstöðum sem hluti af kynningu tillögunnar. Farið yfir athugasemdir og umræður á fundinum.

Lögð fram tillaga að óverulegri breyting á deiliskipulagi Jökulsárlóns vegna færslu á bílastæði við Nýgræðuöldur.

Meginmarkmið með deiliskipulaginu er að skilgreina tjaldsvæði, byggingarreit fyrir smáhýsi og lóðir og byggingarreiti fyrir frístundahús. Áform landeiganda er að efla ferðaþjónustu á svæðinu og bjóða uppá möguleika til gistingar og afleidda þjónustu. Deiliskipulagið var auglýst frá 16. ágúst til 27. september 2021. Umsagnir bárust frá Vegagerðinni og Minjastofnun.Borist hefur afgreiðslubréf Skipulagsstofnunar.

Tillaga að deiliskipulagi fyrir miðsvæði Hafnar lögð fram. Markmið með deiliskipulaginu er m.a. að styrkja miðsvæði bæjarins umhverfis skóla- og íþróttasvæðið og efla svæðið sem aðlaðandi útivistarsvæði til samverustunda og mannfagnaðar, allan ársins hring. Tillögurnar eru byggðar á þarfagreiningum starfshópa um íþrótta-, skóla, og útivistarsvæði frá 2015 og 2017, Skipulagsforsögn og Forsendugreiningu sem ráðgjafafyrirtækið Alta vann fyrir sveitarfélagið 2018 og 2019. Tillögurnar voru kynntar fyrir íbúum á opnum fundi þann 21. mars sl. í samræmi við 3. mgr. 40. gr. skipulagslaga. Málið hefur einnig hlotið umfjöllun í fræðslu- og tómstundanefnd, ungmennaráði og velferðarnefnd.

Lögð fram tillaga að breytingu á skilmálum deiliskipulags Reynivalla II. Óskað er heimildar til að auka byggingarmagn úr 4.800 m2 í 6000 m2 og að hámarkshæð húss verði 11m frá aðkomugólfi í stað 10m.

Deiliskipulag Breiðabólstaðatorfu var auglýst í samræmi við 1. mgr. 41. gr. skipulagslaga nr. 123/2010 frá 26. janúar með athugasemdarfresti til 9. mars 2022.Umsagnir bárust frá Minjastofnun Íslands, Náttúrufræðistofnunar Íslands, Vegagerðinni, HAUST og Umhverfisstofnun. Engar athugasemdir bárust.

Óskað hefur verið eftir breytingu á deiliskipulagi Útbæ á Höfn. Á lóðum J og K er fyrirhuguð hótelstarfsemi sem byggir á smáhýsum með þjónustumiðstöð og móttöku, ásamt útilaug og sauna. Samkvæmt gildandi deiliskipulagi er heimilt að byggja þar smáhýsi á einni hæð. Lóðirnar skulu nýttar fyrir starfsemi þjónustufyrirtækja og stofnana sem sækja styrk í mikilfenglegt útsýni frá þeim. Til stendur að byggja samkvæmt deiliskipulagi en gera þarf lítilsháttar breytingar sem snúast um hækkun hámarkshæðar (1 hæð ris) og breytingar á skilmálum.Tillögur um uppbyggingu voru kynntar á íbúafundi þann 28. mars sl. og lýsing á breytingum kynnt á heimasíðu og gafst íbúum kostur á að leggja fram athugasemdir til 3. apríl. 3 athugasemdir bárust en engin þeirra snýr að breytingum á lóðum J og K.

Óskað hefur verið eftir breytingu á deiliskipulagi Útbæ á Höfn. Icelandair hótel er staðsett á Ránarslóð 3. Til stendur að byggja við hótelið á lóðum A, B1 og B2. Samkvæmt gildandi deiliskipulagi er heimilt að byggja við hótelið og gert er ráð fyrir tveggja hæða húsum sem falla skulu að byggðarmynstri undir Afkastahól og umhverfis höfnina. Til stendur að byggja við hótelið samkvæmt deiliskipulagi en gera þarf lítilsháttar breytingar sem snúast um aukið byggingarmagn og breytingu á byggingarreit, kvöðum og skilmálumTillögur um uppbyggingu voru kynntar á íbúafundi þann 28. mars sl. og lýsing á breytingum kynnt á heimasíðu og gafst íbúum kostur á að leggja fram athugasemdir til 3. apríl. 3 athugasemdir bárust.

Óskað hefur verið eftir breytingu á deiliskipulagi Útbæ á Höfn. Þar sem reist verði allt að Breytingin felur í sér sameiningu á framangreindum sex lóðum, aukið byggingarmagn um 3.490m2 og hækkun hámarkshæðar úr 6-8 m upp í um 11 m, sem og breytingu á byggingarreitum ogskilmálum. Tillögur um uppbyggingu voru kynntar á íbúafundi þann 28. mars sl. og lýsing á breytingum kynnt á heimasíðu og gafst íbúum kostur á að leggja fram athugasemdir til 3. apríl. 3 athugasemdir bárust.

Orkufjarskipti óska eftir framlengingu á framkvæmdaleyfi til eins árs, en leyfið rann út 11 mars 2022. ástæðan eru tafir á framkvæmdinni af ýmsum ástæðum, meðal annars gerði Covid erfitt fyrir varðandi mannskap og efnisöflun frá byrgjum erlendis frá. Fyrirhugað er að byrja þessar framkvæmdir síðla sumars júlí/ágúst 2022. Enginn breyting hefur orðið á fyrirkomulagi framkvæmdarinnar.

Lögð fram umsókn um framkvæmdarleyfi fyrir lagningu ljósleiðara milli Hóla og Almannaskarðsganga.

Sveitarfélagið Hornafjörður óskar eftir óverulega breytingu á deiliskipulagi Miðbæjar Hafnar, reitur A milli Víkurbrautar og Tjarnarbrúar vegna fyrirhugaðar framkvæmdar við líkamsræktarstöð.