Umhverfis- og skipulagsnefnd

Framlagt svar umhverfis-, orku- og loftslagsráðuneytisins við umsókn sveitarfélagsins um styrk til eflingar hringrásarhagkerfisins. Ekkert sveitarfélag fékk úthlutun úr sjóðnum á þessu ári og því hlaut verkefnið "Borgað þegar hent er á Höfn í Hornafirði" ekki styrk.

Framlagt minnisblað um rekstur móttökustöðvar sveitarfélagsins fyrir úrgang og lagðar fram tillögur að breyttum opnunartíma.

Mikael ehf. óskar eftir frávik frá deiliskipulagi til að heimila raðhús 4,66 m að hæð. Í gildi er deiliskipulag frá 1993 ásamt breytingum á því frá 2016 og 2022, sem gera ráð fyrir allt að 4,5m hátt raðhús.

Gunnlaugur vék af fundi undir þessum dagskrálið. Skrýmir Árnason og Halldóra Jónsdóttir sækja um leyfi til að breyta íbúðarhús á Miðtún 12. Um er að ræða niðurrif viðbyggingar suðvestan við húsið, stækkun austan megin, hækkun þaks, og nýbyggingu fyrir geymslu og vinnustofu samkvæmt framlögðum teikningum. Ekki er til gildandi deiliskipulag fyrir svæði. Framkvæmd er í samræmi við aðalskipulag. Grenndarkynning fór fram frá 24. maí til 24. júní 2022. Engar athugasemdir bárust.

Sigurjón Gunnarsson sækir um heimild til að byggja 19m² óupphitaða sólstofu við hús á Sandbakka 11. Lóðin er á svæði C3 skv. gildandi deiliskipulagi miðbæjar, en þar kemur fram að hámarksnýtingarhlutfall er 0,3. Með sólstofu mun nýtingarhlutfall vera 0,31. Ekki eru sýndir byggingarreitir á skipulagsuppdrætti.

Kristjón Elvar Elvarsson sækir um leyfi til að setja kaldan sólskála við hús á Miðtúni 2. Framleiðandi er PGV Framtíðarform ehf. Skálinn verður um 13,5 m², um 2,5m að hæð og fylgir honum yfirlýsing NMÍ um nothæfi fyrir íslenskar aðstæður. Ekki er til gildandi deiliskipulag fyrir svæði.

N1 fyrirhugar að byggja viðbyggingu við þjónustustöð N1 á Höfn. Á þessu stigi hefur ekki verið tekin ákvörðun um nákvæmt ytra eða innra fyrirkomulag. Óskað er eftir stækkun lóðarinnar til suðurs og afstöðu sveitarfélagsins til stækkunar þar sem ekkert deiliskipulag er í gildi á svæðinu og því enginn byggingarreitur á lóðinni.

Ósk um umsögn um stofnun Lögbýlis. Fyrirhugað er að stofna lögbýli á landeign á L230376 sem búið er að hnitsetja og þinglýsa og gefa út afsal til okkar fyrir. Til stendur á næstu misserum að fara í uppbyggingu þarna m.t.t. til þess að geta búið þar og verið með landbúnaðartengda starfsemi á jörðinni.

Óskað er eftir framkvæmdaleyfi við gerðar göngubrúar yfir Hólmsá á Mýrum sbr. meðfylgjandi teikningar. Skal verkefnið unnið fyrir árslok 2022.Landið sem um ræðir er í einkaeigu og liggur leyfi landeigenda fyrir framkvæmdunum. Framkvæmdirnar eru unnar í samráði við hagaðila.

Óskað er eftir framkvæmdaleyfi við gerðar göngubrúar yfir Svínafellsá og Skaftafellsá í Öræfum sbr. meðfylgjandi teikningar. Skal verkefnið unnið fyrir árslok 2022.Landið sem um ræðir er í einkaeigu og liggur leyfi landeigenda fyrir framkvæmdunum. Framkvæmdirnar eru unnar í samráði við hagaðila.

GYG ehf óskar eftir framkvæmdarleyfi vegna efnistöku til rannsóknar á Suðurfjörum innan Sveitarfélagsins Hornafjarðar. Samtals um 2000m3 eða um 3500 tonn! Einnig er óskað er eftir að framkvæmdaleyfi taki gildi strax og hafi gildi til janúar 2024 eins og kemur fram í bréfi frá Ríkiseignum.Efnið verður tekið á nokkrum stöðum frá austur enda lóðar Borgar og inná land Eskey (Skinney) við ósa Hólmsár eins og kemur fram í meðfylgjandi fylgiskjali.Efnið verður tekið í flæða málinu á ströndinni og því þarf ekki að ganga frá eða laga svæðið eftir efnistökuna.

Bæjarstjórn Hornafjarðar samþykkti þann 10. febrúar 2022 að auglýsa tillögu að breytingu á aðalskipulagi 2012-2030, samkvæmt 31. gr. skipulagslaga nr. 123/2010.Í breytingunni felst m.a. að skilgreint er nýtt 2,9 ha svæði fyrir íbúðarbyggð við félagsheimilið Hrollaugsstaði í Suðursveit og svæði fyrir verslun og þjónustu minnkar sem því nemur. Á svæðinu er gert ráð fyrir allt að 31 íbúð auk þess sem mögulegt verður að taka hluta af félagsheimilinu undir leikskóla.Tillagan var auglýst með athugasemdarfresti frá 5. apríl til 17. maí.Umsagnir bárust frá Minjastofnun Íslands, Umhverfisstofnun, Vegagerðinni, Veðurstofu Íslands og HAUST.Engar athugasemdir bárust.

Bæjarstjórn Hornafjarðar samþykkti þann 10. febrúar 2022 að auglýsa tillögu að nýju deiliskipulagi að Hrollaugsstöðum í Suðursveit samkvæmt 1. mgr. 41. gr. skipulagslaga nr. 123/2010.Í deiliskipulaginu er m.a. skilgreindar 5 nýjar lóðir og byggingarreitir fyrir rað og parhús ásamt viðbyggingu við félagsheimilið. Gerð er grein fyrir byggingarmagni, aðkomu og bílastæðum. Markmiðið er að fjölga íbúðum á svæðinu og móta hverfi sem hengar ólíkum fjölskyldugerðum.Tillaga að deiliskipulagi var auglýst með athugasemdarfresti frá 5. apríl til 17. maí.Umsagnir bárust frá Vegagerðinni, Veðurstofu Íslands, Umhverfisstofnun, HAUST, RARIK og Minjastofnun Íslands. Ein athugasemd barst.

Bæjarstjórn Sveitarfélagsins Hornafjarðar samþykkti þann 10. febrúar 2022 að auglýsa tillögu að deiliskipulagi Reynivalla, Efribæjar, í Suðursveit í samræmi við 1. mgr. 41. gr. skipulagslaga nr. 123/2010.Deiliskipulagið tekur til núverandi bæjartorfu og m.a. eru afmarkaðar lóðir og byggingarreitir fyrir frístundahús, smáhýsi og skemmu fyrir búfé og vinnuvélar. Gerð er grein fyrir fjölda gesta á svæðinu í nýjum og núverandi húsum og á svæði fyrir stöðuhýsi.Tillagan var auglýst frá 24. febrúar með athugasemdarfresti til 11. apríl 2022.5 umsagnir bárust.

Tekið er fyrir deiliskipulag miðsvæðis Hafnar. Tillaga skipulagsins var auglýst með athugasemdarfresti frá 13. apríl til 5. júní. Engar athugasemdir bárust.Umsögn barst frá Minjastofnun dags. 12. júlí 2022. Þar segir að sjö minjastaðir eru skráðir á skipulagssvæðinu og að uppfæra þurfi greinargerð skipulagsins þar sem gert er grein fyrir niðurstöðum fornleifaskráningarinnar en fjórir staðir teljast til fornleifa. Uppfæra þarf skipulagsuppdrátt þar sem fram koma skráðar minjar. Þörf er að vinna húsakönnun fyrir svæðið.

Tekin er fyrir breyting á deiliskipulagi Leira á Höfn og samhliða breytingu á deiliskipulagi tjaldsvæðisins og íbúðarsvæðis á Höfn. Breytingin var auglýst með athugasemdarfresti frá 17. maí til 28. júní 2022.Ein athugasemd barst sem snéri m.a. að áhyggjum vegna aukinnar umferðar, raski, skerðingu á birtu og útsýni og áhyggjum af leigu/gistingu í nýju húsi.Minjastofnun skilaði inn umsögnum dags. 11. júlí 2022. Í umsögn um deiliskipulagsbreytingu íbúðarsvæðis á Leirum kemur fram að engar þekktar fornminjar eru innan svæðisins sem breytingin nær yfir en rétt utan við hin nýju skipulagsmörk er ummerki um minjar sem taka þarf tillit til við framkvæmdir.

Óskað er heimildar til að breyta geymslu í norðurhluta gamla sláturhússins í íbúðarhúsnæði. Nú er verið að breyta starfsemi sláturhússins í heild í íbúðir, verslanir, veitingahús og annað. Við viljum gjarnan fylgja áætlunum annara eigenda hvað varðar útlit og hlutverk hússins og teljum að núverandi geymsla hæfi ekki heildarímynd og starfsemi hússins né nýju deiliskipulagi í kringum framkvæmdina sem telur Heppuna miðsvæðis.

Lögð er fram tillaga að breytingu á deiliskipulagi í þeim tilgangi að stækka núverandi leikskóla og koma fyrir tímabundnu húsnæði á lóðinni fyrir tvær leikskóladeildir.

Lögð fram gögn til umræðu um stöðu og uppbyggingu íbúðarhúsnæðis á Höfn.

Unnið er að því að bæta aðgengi og lagfæra aðkomu að ráðhúsi Hafnarbraut 27 á Höfn og tryggja aðgengi fyrir alla. Lagðar eru fram teikningar af fyrirhuguðum framkvæmdum til kynningar.