Umhverfis- og skipulagsnefnd

Bæjarstjórn lagði til að siðareglurnar verði teknar upp til endurskoðunar í nefndum og bæjarráði

Auglýst er eftir tilnefningum til umhverfisviðurkenninga Sveitarfélagsins Hornafjarðar 2022. Óskað er tilnefninga á einstaklingum, félagasamtökum, stofnunum, fyrirtækjum, lóðum og lögbýlum í Sveitarfélaginu Hornafirði sem hafa með athöfnum sínum verið til fyrirmyndar og gert umgengni við náttúruna og umhverfið að eðlilegum þætti í hversdagslífi sínu, starfi og rekstri eða hafa á annan hátt lagt sitt af mörkum til verndunar á náttúru og umhverfi.Frestur til að senda inn tilnefningar er til 26. september.

Finnur Smári Torfasson vék af fundi undir þessum lið. Sigurjón Gunnarsson sækir um heimild til að byggja 19m² óupphitaða sólstofu við hús á Sandbakka 11. Lóðin er á svæði C3 skv. gildandi deiliskipulagi miðbæjar, en þar kemur fram að hámarksnýtingarhlutfall er 0,3. Með sólstofu mun nýtingarhlutfall vera 0,31. Ekki eru sýndir byggingarreitir á skipulagsuppdrætti. Umhverfis- og skipulagsnefnd samþykkti að auglýsa grenndarkynningu á fundi þann 08.08.2022.

Karl Heimir Einarsson sækir um byggingaheimild fyrir 60m² bílskúr á lóð Hlíðartún 7. Ekki er til gildandi deiliskipulag fyrir svæði.

Ásgeir Ingi Óskarsson sækir um leyfi til þess að byggja skjólþak úr PVC báruplasti yfir núverarndi sólpall að Vogabraut 4. 7 uppistöður eru steyptar niður í holur og er heildar-flatarmál 29m2. Opið er í báða enda (austur/vestur) og að hluta til að framan (suður). Ekki er til gildandi deiliskipulag fyrir svæði.

Miðskersbúið ehf óskar um skipti á Miðskeri. Fyrirhuguð er að stofna nýja 0,85 ha lóð. Ný landeign verður á landbúnarðasvæði.

Skaftárhreppur leitar umsagnar á Aðalskipulagi Skaftárhrepps 2019-2031 - Heildarendurskoðun.

Í kjölfar þess að veitingastaðnum Úps var lokað, óskar eigandi húsnæðisins eftir umsögn Umhverfis- og skipulagsnefndar varðandi fyrirhugaða breytingu á nýtingu hússins. Hugmyndin er að breyta húsnæðinu úr Veitingastað í Gistiheimili í flokki 2. Í húsinu yrðu standsettar þrjár stúdíó-íbúðir ætlaðar til útleigu í skemmri eða lengri tíma.Engar útlitsbreytingar yrðu gerðar á húsnæðinu aðrar en þær að bílskúrshurð sem nú er á vesturhlið hússins yrði lokað og þar yrði sett útihurð og gluggi með opnanlegu fagi.Engar breytingar yrðu gerðar á húsinu sem takmarka myndu nýtingamöguleika þess sem verslunarhúsnæði til frambúðar, enda ynni það á móti lengri tíma áætlunum eigenda um fyrirhugaða starfsemi í húsinu.

Rúnar Þór Guðmundsson f.h. Útspark ehf gerði grein fyrir hugmyndum um uppbyggingu á lóðum Dalbraut 2A, 2B, og 2C. Fyrirhuguð er að reisa um 350 m² sex íbúða hús á hverri lóð fyrir sig. Vegna hæðarsetningar lóða er fyrirhuguð að reisa þriggja hæða hús með aðalinngangi á miðhæð. Fyrirhuguð er að mæni á húsum yrðu aðeins upp fyrir mænir á Dalbraut 4.

Árið 2014 fannst sprunga í Svínafellsheiði ofan við Svínafellsjökul. Sprungan hefur verið mæld og er vöktuð og drög að hættumati liggur fyrir og var kynnt fyrir íbúum vorið 2021. Skipulagsvinnu á svæðinu var frestað á árinu 2018 og hefur enn ekki hafist. Leiðbeininga hefur verið óskað frá Skipulagsstofnun vegna málsins en svör hafa ekki borist.