Umhverfis- og skipulagsnefnd

Skinney-Þinganes hf. óskar eftir breytingu á gildandi skilmálum deiliskipulags Hafnarsvæði við Krossey fyrir reit á Krosseyjarvegi 2 austan við fiskvinnsluhús. Deiliskipulag gerir ráð fyrir 10 m mænishæð, en óskar er eftir að mænishæð verði færð í 17 metra. Umhverfis- og skipulagsnefnd bókaði á fundi sínum þann 14. nóvember 2022 að vísa málinu til hafnarstjórnar og óska umsagnar slökkviliðsstjóra.Hafnarstjórn Hornafjarðar tók erindið fyrir á fundi 28. september og aftur 28. nóvember 2022.Umsögn slökkviliðsstjóra lá fyrir 29. nóvember 2022.

Lögð er fram tillaga að breyttu skipulagi fyrir nýjar lóðir við Sandbakkaveg, sunnan Nettó.

Tillaga að breyttu deiliskipulagi fyrir Hornafjarðarhöfn, Ósland lögð fram. Megin markmið með breytingunni er að tryggja skilvirka nýtingu og markvissa uppbyggingu á hafnarsvæðinu. Bæjarstjórn samþykki tillögu að deiliskipulagsbreytingu og sendi skipulagstillöguna í kynningu skv. 41. gr. skipulagslaga nr. 123/2010. Skipulagið var auglýst með athugasemdarfresti frá 30. september til 11. nóvember 2022.Umsagnir bárust frá Minjastofnun Íslands, MAST, Vegagerðinni og Náttúrustofa Suðausturlands ses. Ein athugasemd barst.Umhverfis- og skipulagsnefnd bókaði á fundi sínum þann 14. nóvember 2022 að vísa málinu til hafnarstjórnar sem tók málið fyrir 28.11.2022.

Drög að deiliskipulagi Kyljuholts á Mýrum lagt fram ásamt minnispunktum til umfjöllunar og ákvörðunar.

Skipulagsvinna á ÍB 5 er í undirbúningi. Nefndin þarf að leggja línurnar.

Lögð eru fram frekari útfærsla á hugmyndum á lóðum J og K við Ósland.

Landeigendur á Fagurhólsmýri hyggja á uppbyggingu á jörðinni. Lögð fram fyrirspurn landeigenda um skipulagsferli.

Mikael ehf. sækir um byggingarleyfi fyrir gistiheimili á lóð Vesturbraut 6. Um er að ræða um 460 fm steinsteypt eina hæða hús með 8 íbúðum. Mænishæð er allt að 4,29m frá gólfplötu og þakhalli 14°. Ekki er til gildandi deiliskipulag fyrir svæði, en um er að ræða verslunar- og þjónustu svæði VÞ3 samkvæmt aðalskipulagi, þar sem gert er ráð fyrir gistihús, eldsneytissölu og tilheyrandi þjónustu, verslun. Um er að ræða 2,6ha svæði fyrir allt að 40 gistirými.

Straumhvarf ehf. sækir um endurnýjun á stöðuleyfi fyrir torgsöluhús í Skaftafelli. Vatnajökulsþjóðgarður samþykkti að veita leyfi landeigenda til endurnýjunar. Stöðuleyfi eru veitt til allt að 12 mánaða og eru ekki gefin út aftur fyrir sömu lausafjármuni á sömu landeign nema með samþykki umhverfis- og skipulagsnefndar. Umsóknir verða þá metnar m.t.t.: landnotkunar, útsýnis, skuggavarps, innsýnar, öryggis og hávaða.

Samband íslenskra sveitarfélaga efnir til fjarfundar sveitarfélaga undir yfirskriftinni Aðventufundur sveitarfélaga um hringrásarhagkerfi föstudaginn 16. desember kl. 10:00 til 12:00. Tilefnið eru breytingar á meðhöndlun úrgangs og kröfum til úrgangsstjórnunar sveitarfélaga sem innleiddar voru í íslenskt regluverk í júní 2021 og koma til framkvæmda um næstu áramót. Á fundinum verða umræður um stöðu innleiðingar nýju laganna og þær áskoranir sem sveitarfélögin standa frammi fyrir.https://www.samband.is/vidburdir/samtaka-um-hringrasarhagkerfi-opinn-fundur/

Framlagt minnisblað um ábendingar frá íbúum í tengslum við umferðaröryggi í sveitarfélaginu.

Framlagt minnisblað um endurskoðun umferðaröryggisáætlunar sveitarfélagsins og aðgerðarlista hennar.

Sveinbjörn Imsland f.h. Imsland ehf. sækir um byggingarleyfi fyrir breytingu á húsi að Fiskhól 11. Um er að ræða breytingar að innan. Fyrirhuguð er að fjölga íbúðum í húsinu úr 3 í 4. Lóðin er á íbúðarsvæði ÍB6 sem gerir ráð fyrir 10-15 íbúðum á svæði. Með breytingu sem hér um ræðir fer fjöldi íbúða á svæðinu úr 11 í 12. Í gildandi deiliskipulagi er ekki skilgreindur hámarksfjöldi íbúða í húsinu en þar kemur fram að lóðir við Fiskhól séu fullbyggðar.