Umhverfis- og skipulagsnefnd

Kynning á stöðu sorpmála, breytingum á tunnum og næstu skref.

Almenn umræða um gjaldskrár sviðsins og breytingar fyrir næsta ár.

Verkfærni ehf. óskar eftir úthlutun lóðar við Álaugarey. Fyrirhuguð er að reisa ca. 500 fm geymslu- / atvinnuhúsnæði fyrir starfsemi fyrirtækis og því æskilegt að stærð lóðar sé um 2.000 fm. Þar sem lóðin er ekki á skipulagsáætlun sveitarfélagsins er erindi sett fyrir umhverfis- og skipulagsnefnd.

Óskað er eftir að gerð verði breyting á deliskipulagi Breiðabólstaðar og lóð skilgreind undir fjarskiptamastur þar sem nú er sameignarland.

Bæjarráð samþykkti umsókn Eimskipa um lóð að Sæbraut 4 og lét grenndarkynna lóðina og óska eftir umsögnum. Ein umsögn barst, frá Landsneti, sem gerir ekki athugasemd við stofnun lóðarinnar en leggur áherslu á samráð þegar til hönnunar á lóðinni kemur vegna 132 kV jarðstrengs sem um hana liggur.

Akurnesbúið ehf. og Stefán Trausti Sigurðsson óska eftir uppskiptingu landeignar Hólar 2 úr jörðinni Hólar L159498, skv. framlögðum uppdráttum. Um er að ræða nýja u.þ.b. 42 ha lóð sem stofnuð verður að öllu leyti úr landi Hóla. Við stofnun nýrrar landeignar er ekki verið að hnitsetja eða breyta núverandi afmörkun Stöðuls 1 og Ártúns.

Erindi dagsett 25. október 2023 þar sem Róbert Marvin Gunnarsson óskar eftir heimild til að gera 3 bílastæði innan lóðar sinnar við Bogaslóð 15.

Rhýólít ehf. sækir um leyfi til að byggja 325 fm einbýlishús á lóð Borgartún 20. Um er að ræða stálgrindarhús hús á einni hæð með tíu svefnherbergjum sem öll hafa eigið baðherbergi. Samkvæmt gildandi deiliskipulagi fyrir lóðir á svæði B er gert ráð fyrir allt að 250m² íbúðarhús með allt að 50m² bílskúr, og því er fyrirhuguð framkvæmd ekki í samræmi við skilmála deiliskipulags. Umsækjandi bendir á að þrátt fyrir stærð hússins, rúmast það vel innan uppgefins byggingarreits. Hann óskar þess að við afgreiðslu málsins verði litið til þeirra fordæma sem nú þegar hafa verið gefin í hverfinu m.v í stærðir húsa. Hann bendir á að nú þegar hefur verið samþykkt að heimila stærri byggingar á lóðum við Borgartún 1, 2, 3, 5 og 14 en allar þær lóðir eru sömu stærðar og Borgartún 20, eða 2278.1 m2 .

Karl Jóhann Guðmundsson sendir fyrirspurn til umhverfis- og skipulagsnefndar fyrir hönd Nailed It ehf. er varðar skipulagsskilmála lóðar Hafnarbraut 34. Spurt er hvort núgildandi skilmálar deiliskipulags heimila notkun hluta húsnæðis í eigu fyrirtækisins sem gististaður í flokki 2, að öðrum skilyrðum uppfylltum.

Erindi dagsett 10. október 2023 þar sem Ólöf Gísladóttir og Jóhann Gunnarsson óska eftir afstöðu umhverfis- og skipulagsnefndar til byggingar 50-60 m2 gistihúsnæðis í Álaugarey. Einnig eru lagðar fram áhyggjur af úthlutun lóða á svæðinu til rekstrar þungavinnuvéla.

Erindi dagsett 5. október 2023 þar sem Sigurður Guðmundsson f.h. South East ehf. sækir um að lóð Rauðabergs 2/Lóð 1 verði breytt úr sumarhúsalóð í verslunar- og þjónustusvæði. Fyrirhugað er að byggja upp gistiheimili eða hótel með allt að 50 herbergjum.

Breyting á Aðalskipulagi Sveitarfélagsins Hornafjarðar 2012-2030 er í vinnslu þar sem markmiðið er að afmarka nýtt verslunar- og þjónustusvæði á Höfn þar sem koma megi fyrir rýmisfrekri verslunar- og þjónustustarfsemi.Matthildur Kr. Elmarsdóttir frá Alta kemur á fundinn til að ræða framhaldið.

Unnið er að deiliskipulagi fyrir verslunar- og þjónustusvæði við innkomuna í bæinn. Jóhanna Helgadóttir, Vilhjálmur Leví Egilsson og Pála Minný Ríkharðsdóttir frá Nordic kynntu uppfærða tillögu.

Áform um fyrirhugað deiliskipulag ÍB5 lagt til umræðu.

Bæjarstjórn Sveitarfélagsins Hornafjarðar samþykkti þann 14. júní 2023 að auglýsa tillögu að deiliskipulagi Reynivalla, Efribæjar, í Suðursveit í samræmi við 1. mgr. 41. gr. skipulagslaga nr. 123/2010. Deiliskipulagið var áður auglýst frá 24. febrúar til 11. apríl 2022 en ekki náðist að ljúka skipulagsferlinu innan árs frá því auglýsingartíma lauk og því er skipulagið auglýst að nýju. Deiliskipulagið tekur til núverandi bæjartorfu og m.a. eru afmarkaðar lóðir og byggingarreitir fyrir gistihús og skemmu fyrir tæki og aðstöðu fyrir ferðaþjónustu. Gerð er grein fyrir fjölda gesta á svæðinu í nýjum og núverandi húsum. Tillagan var endurauglýst frá og með 30. ágúst til 11. október 2023. Umsagnir bárust frá Minjastofnun Íslands og Náttúrufræðistofnun.

Erindin dagsett 27. október 2023 þar sem Vigfús Halldórsson sækir um heimild til að leggja fram deiliskipulag fyrir hluta lóðar Smyrlabjarga með það að markmiði að fjölga starfsmannahúsum.

Erindi dagsett 24. október 2023 þar sem Glacier Adventure sækir um f.h. 12 fyrirtækja, framkvæmdarleyfi til að lengja vegslóða inní Þröng sem nemur rúmum 966 m. Leiðin mun að mestu leyti liggja eftir núverandi gönguslóða.Einnig er óskað eftir að núverandi vegslóði verði uppfærður í opinberum gögnum og aflagður vegslóði verði aflagður.Umsóknin er unnin í samráði við starfsmenn Vatnajökulsþjóðgarðs.

Samantekt frá íbúafundi

Endurupptaka þar sem samþykkt var að setja niður eldstæði á svæði þar sem verið er að vinna að hönnun vegna líkamsræktartækja.

Drög að hvítbók um skipulagsmál hafa verið birt í samráðsgátt stjórnvalda. Þar er lögð fram endurskoðuð landsskipulagsstefna til fimmtán ára ásamt aðgerðaáætlun til fimm ára. Hægt er að senda inn umsagnir eða ábendingar til og með 31. október nk. Stefnudrögin voru einnig kynnt og rædd á Skipulagsdeginum sem haldinn var 19. október 2023.https://samradsgatt.island.is/oll-mal/$Cases/Details/?id=3539

Í gildandi deiliskipulagi Hornafjarðarhafnar við Ósland er gert ráð fyrir því að lóðir á Óslandi geta verið notaðar sem geymslulóðir. Til umræðu eru lagðir áherslupunktar við gerð nýrra lóðarleigusamninga.