Umhverfis- og skipulagsnefnd

Ásgrímur Ingólfsson óskar eftir að bætt verði aðgengi að botnlagnanum á Hafnarbraut (47, 47A og 49). Óskað er eftir að sveitarfélagið settji upp tröppur í bröttustu brekkuna.

Farið er yfir minnisblað byggingarfulltrúa um lög nr. 113/2023 um breytingar á ýmsum lögum, m.a. lögum um mannvirki nr. 160/2010 og lögum um brunavarnir nr. 75/2000. Helstu breytingar fela í sér heimildir byggingarfulltrúa og slökkviliðsstjóra að beita stjórnvaldssektum þeim sem brjóta í bága við lög um mannvirki og lög um brunavarnir. Sem dæmi má nefna að heimild er að beita sektum þeim sem hefja framkvæmdir án leyfis, taka mannvirki í notkun án þess að úttekt hafi farið fram, eða fylgja ekki fyrirmælum slökkviliðsstjóra.

Sótt er um að byggja þriggja hæða hús á Silfurbraut 44 og 46 með inndreginni efstu hæð. Óskað er eftir að hámarks byggingarmagn þrefaldist og íbúðafjöldi verði 7-9 íbúðir á hvorri lóð. Í gildi er deiliskipulag Innbæjar frá 2021 sem gerir ráð fyrir einbýlishúsi á einni hæð á hvorri lóð með nýtingahlutfallið 0,35.

Sigríður Guðbjörg Garðarsdóttir og Aðalsteinn Guðmundsson óska eftir heimild til að víkja frá kröfum deiliskipulags frístundasvæðis Stafafellsfjöll í Lóni fyrir lóð nr. 23 vegna nýs húss sem fyrirhugað er að reisa á lóðinni. Frávik varðar mænisstefnu.Í greinargerð deiliskipulagsins er miðað við að húsin falli sem best að landi og að stefna aðalmænis fylgi sem mest meginstefnu í landinu og verði að jafnaði samsíða hlíðum. Staðsetning fyrirhugaðs húss er sýnd á uppdráttum, og er mænisstefna ekki samsíða hliðum.

Funaborg ehf. sækir um leyfi til að breyta hluta 1. hæðar Víkurbrautar 2. Um er að ræða að breyta núverandi veitingasal og salernum í stigagangi hússins í 4 íbúðir og núverandi eldhúsi í þvottahús. Ekki er til gildandi deiliskipulag, en samkvæmt aðalskipulagi er lóð staðsett á miðsvæði M1. Samþykki eiganda aðrar eignar í húsi liggur fyrir.

Melatangi hefur óskað eftir breytingum vegna uppbyggingar á lóð þeirra við Álaugaveg 10. Fyrirhugað er að sameina hluta lóðar í lóð nr. 8 og öðrum hluta í lóð nr. 12. Númer lóðar 12 yrði þá breytt í 10. Lóðarhafar þessara lóða eru sammála um að með nýju fyrirkomulagi munu nýtingarmöguleikar lóðanna aukast.

Lögð eru fram drög að breytingu á Aðalskipulagi Sveitarfélagsins Hornafjarðar 2012-2030, vegna nýs verslunar- og þjónustusvæðis í landi Hofs í Öræfum.Sameiginleg skipulagslýsing fyrir breytingu aðalskipulags og deiliskipulags svæðisins var í kynningu frá 18. september til 2. október 2023.

Lögð eru fram drög að deiliskipulagi svæðis við Hvalvörðugilslæk í landi Hofs í Öræfum. Sameiginleg skipulagslýsing fyrir breytingu aðalskipulags og deiliskipulags svæðisins var í kynningu frá 18. september til 2. október 2023.

Sótt er um að byggja þriggja hæða hús á Sandbakkavegi 5. Óskað er eftir að hámarks byggingarmagn aukist sem því nemur og heildar fjöldi íbúða verði 6. Í gildi er deiliskipulag Miðbæjar Hafnar, frá 1988 en gerð var breyting fyrir svæðið árið 2023. Deiliskipulagið gerir ráð fyrir tveggja hæða húsi með nýtingahlutfalli 0,7 og að íbúðir geti verið á bilinu 30-90 m2.

Deiliskipulag Hjáleigu og Flatatúns í Öræfum var auglýst frá 10. janúar með athugasemdarfresti til 21. febrúar 2024. Umsögn barst frá Minjastofnun Íslands.

Deiliskipulag Smyrlabjarga var auglýst með athugasemdarfresti frá 22. janúar til 4. mars 2024.Engar athugasemdir eða umsagnir bárust.

Lögð fram tillaga að deiliskipulagi Verslunar- og þjónustusvæðis við innkomu í bæinn, austan við Hafnarbraut. Megintilgangur með deiliskipulagsvinnunni er að móta nýtt svæði fyrir stærri verslanir og aðra rýmisfreka verslunar- og þjónustustarfsemi á Höfn til þess að koma til móts við þá þróun sem átt hefur sér stað síðustu ár.Gert ráð fyrir þremur lóðum undir verslunar og þjónustustarfsemi á skipulagssvæðinu. Í deiliskipulaginu eru skilgreindir byggingarreitir og settir fram skilmálar um byggingar og uppbyggingu í samræmi við lög og reglur þar að lútandi. Lagður er grunnur að vönduðum frágangi byggðar og umhverfis innan skipulagssvæðisins.

Lögð fram tillaga að deiliskipulagi fyrir Miðsvæði: Víkurbraut 1 og 5, Álaugarveg 2 og Heppuveg 5 og 7.

Lögð er fram tillaga vegna viðbyggingar við Ásgarð.

Vegagerðin sækir um framkvæmdaleyfi fyrir efnistöku úr Fjarðará í Lóni [E16 og E17] vegna framkvæmdarinnar „Hringvegur 1 um Hornafjörð.“ Náman er tilgreind í MÁU fyrir verkefnið (náma 8,). Sótt er um leyfi fyrir efnistöku á tveimur stöðum, norðan og sunnan þjóðvegar samtals 49.900 m3. Efnistaka mun fara fram í samræmi við leyfi Fiskistofu og ábendingarSkipulagsstofnunar. Með þessari efnistöku er ætlunin, m.a. að hlífa námunni Friðsæld [E28] eins og kostur er, en Skipulagsstofnun benti á það atriði á sínum tíma í MÁU þó svo að leyfi hafi verið gefið fyrir talsverðri efnistöku úr námunni.

Umhverfis-, orku- og loftslagsráðuneytið óskar eftir tilnefningum um fyrirtæki eða stofnun, sem vegna verka sinna og athafna á síðasta ári eru þess verðug að hljóta umhverfisviðurkenninguna Kuðunginn fyrir árið 2023. Kuðungurinn verður afhentur í tengslum við Dag umhverfisins og hefur sú breyting verið gerð á að tilnefningaflokkarnir eru nú tveir, fyrir stærri og minni fyrirtæki.Óskað er eftir því að greinargerð fylgi með tilnefningunni, en við mat á viðurkenningarhöfum er horft til eftirfarandi þátta: Umhverfisstjórnunar, innleiðingar nýjunga í umhverfisvernd, losun gróðurhúsalofttegunda, minni efnanotkunar, lágmörkunar úrgangs, mengunarvarna, umhverfisvænni þróun á vöru eða þjónustu, framlags til umhverfismála, samstarfs í umhverfismálum og vinnuumhverfis.

Lögð er fram breyting á deiliskipulagi Hvamms í Lóni. Markmið breytingarinnar er að auka umsvif ferðaþjónustu á svæðinu. Breytingin er í samræmi við gildandi aðalskipula, landnotkunarreit VÞ34.