Umhverfis- og skipulagsnefnd

Litlahorn ehf sækir um byggingarleyfi fyrir viðbyggingu við veitingahús á Horn 1. Um er að ræða 63,6 fm viðbyggingu með 15,3 fm vindfangi fyrir matsal og anddyri. Fyrirhugað er einnig að stækka tæknirými um 9,6 fm. Ennfremur er sótt um byggingarleyfi fyrir 141 fm gistiálmu með 6 herbergjum. Samkvæmt aðalskipulagi er umrætt svæði á reitt VÞ 36 þar sem gert er ráð m.a. fyrir ferðaþjónustu, gistingu, tjaldsvæði, þjónustuhús með veitingum. Í skilmálum fyrir reitt kemur fram að uppbygging skal heimil skv. deiliskipulagi. Gert er ráð fyrir allt að 120 gesti. Ekki er til gildandi deiliskipulag fyrir svæðið.

Suðureignir ehf. óska eftir samþykki bæjarstjórnar fyrir sameiningu landeigna Flatatún L233486 og Flatatún spilda L236204.

Lögð er fram uppfærð skipulagslýsing vegna nýs deiliskipulags og breytingu aðalskipulags fyrir Skriðu í Nesjum. Fyrirhuguð er uppbygging á ferðamannaaðstöðu með gistirýmum, veitingaþjónustu og baðtengdri afþreyingu.

Bæjarstjórn Sveitarfélagsins Hornafjarðar samþykkti þann 8. febrúar 2024 að auglýsa tillögu að breytingu Aðalskipulags Sveitarfélagsins Hornafjarðar 2012-2030. Um að ræða nýtt 10,3 ha verslunar- og þjónustusvæði á Rauðabergi 2 Lóð 1. Þar verður m.a. heimilað að reisa hótel/gistihús með allt að 50 gistirýmum.Tillagan var auglýst með athugasemdarfresti frá 15. apríl til 27. maí 2024.Umsagnir bárust frá Minjastofnun Íslands og Veðurstofu Íslands.

Bæjarstjórn samþykkti þann 8. febrúar 2024 að auglýsa tillögu að breytingu á gildandi aðalskipulagi.Fyrirhuguð breyting á aðalskipulagi felur í sér að skilmálar breytast á svæði VÞ44 sem nær bæði til Skaftafells III og IV. Byggingarheimildir skv. aðalskipulagi eru fullnýttar á Skaftafelli III. Breytingin felur í sér að skilmálar breytast þannig að sambærileg uppbygging geti einnig átt sér stað á landi Skaftafells IV og verður því um tvöföldun á uppbyggingu að ræða.Tillagan var auglýst með athugasemdarfresti frá 15. apríl til 27. maí 2024.Umsagnir bárust frá Minjastofnun Íslands, Veðurstofu Íslands, Vatnajökulsþjóðgarði og Umhverfisstofnun.

Bæjarstjórn Sveitarfélagsins Hornafjarðar samþykkti þann 8. febrúar 2024 að auglýsa tillögu að breytingu deiliskipulags Skaftafells III og IV.Í breytingunni fellst að byggingarheimildir aukast úr 35 gisti- og þjónustuhúsum í 70 hús með samtals 70 gistirýmum sem jafngildir 140 gistirúmum.Tillagan var auglýst með athugasemdarfresti frá 15. apríl til 27. maí 2024.Umsagnir bárust frá Minjastofnun Íslands, Vatnajökulsþjóðgarði og Veðurstofu Íslands.

Tillaga að nýju deiliskipulagi fyrir Hagahverfi, sem hefur vinnuheitið ÍB5, sem er staðsett við hlið tjaldsvæðis. Megintilgangur með deiliskipulaginu er að móta hverfi með vistvænum áherslum í samræmi við markmið aðalskipulags Hornafjarðar. Með uppbyggingunni er verið að koma til móts við íbúðaskort í þéttbýlinu á Höfn þar sem íbúum hefur fjölgað hratt undanfarin ár. Á svæðinu er gert ráð fyrir sérbýli, einbýlishúsum, parhúsum og raðhúsum ásamt fjölbýlishúsum á 2-3 hæðum auk kjallara. Alls er gert ráð fyrir um 200 íbúðareiningum á svæðinu.Tillaga að deiliskipulaginu var auglýst með athugasemdarfresti frá 8. apríl til 24. maí 2024.Umsagnir bárust frá Minjastofnun Íslands, Náttúrufræðistofnun Íslands, Umhverfisstofnun og Vegagerðinni.

Tillaga að deiliskipulagi verslunar- og þjónustusvæðis við innkomu á Höfn, austan við Hafnarbraut. Markmið með deiliskipulaginu er að móta nýtt svæði fyrir stærri verslanir og aðra rýmisfreka verslunar- og þjónustustarfsemi á Höfn. Íbúafjölgun og vaxandi fjöldi ferðamanna hefur skapað forsendur fyrir meiri verslun og þjónustu. Gert er ráð fyrir þremur lóðum undir verslunar- og þjónustustarfsemi á skipulagssvæðinu. Lagður er grunnur að vönduðum frágangi byggðar og umhverfis innan skipulagssvæðisins.Tillaga að deiliskipulaginu var auglýst með athugasemdarfresti frá 8. apríl til 24. maí 2024.Umsagnir bárust frá Minjastofnun Íslands, Vegagerðinni og Náttúrufræðistofnun Íslands.

Erindi dagsett 2. maí 2024 þar sem Vesturorka-WesTide ehf. óskar eftir heimild til að hefja deiliskipulagsgerð fyrir 1 MW vatnsaflsvirkjun sem nær frá rótum Staðardals og inn Birnudal á Kálfafellsstaðarjörð í Suðursveit. Matsskyldufyrirspurn hefur verið send til Skipulagsstofnunar til ákvörðunar um matsskyldu þar sem framkvæmdin er í 2. viðauka laga um umhverfismat framkvæmda og áætlana nr. 111/2021.Í gildandi aðalskipulagi er heimild fyrir 950 kW virkjun.Einnig er óskað eftir upplýsingum um hvort aðkomuvegur að virkjuninni skuli vera innan skipulagssvæðis eða einungis framkvæmdarleyfisskyld framkvæmd.

Rarik sækir um framkvæmdaleyfi til að plægja og leggja há- og lágspennustrengi auk uppsetninga spennistöðva í Suðursveit. Verkefnið er á þremur aðsklildum svæðum frá Smyrlabjargarvirkjun að Reynivöllum.