Umhverfis- og skipulagsnefnd

Lögð er fram beiðni frá Marina Travel um heimild til breytingar á deiliskipulagi Útbæjar á Höfn.

Kynning á stöðu skipulagsvinnunnar, umræða um valkosti ofl.

Umhverfis- og skipulagsstjóri fundaði með Veðurstofunni og Almannavörnum. Veðurstofan fyrirhugar að gefa út hættumat vegna berghlups í Svínafellsjökli á haustmánuðum. Hættumat hefur verið útfært fyrir allt hættusvæðið. Í samráði við Almannavarnir þarf að vinna rýmingaráætlun fyrir svæðið í samráði við íbúa.

Gunnlaugur Róbertsson vék af fundi undir þessum lið.Beiðni um endurupptöku máls vegna synjunar á veitingu byggingarleyfis við Horn 1 þar sem deiliskipulag liggur ekki fyrir.

Lögð er fram skipulagslýsing vegna nýs deiliskipulags og breytingu aðalskipulags fyrir Skriðu í Nesjum. Fyrirhuguð er uppbygging á ferðamannaaðstöðu með gistirýmum, veitingaþjónustu og baðtengdri afþreyingu.

Bæjarstjórn samþykkti þann 8. febrúar 2024 að auglýsa tillögu að breytingu á gildandi aðalskipulagi. Fyrirhuguð breyting á aðalskipulagi felur í sér að skilmálar breytast á svæði VÞ44 sem nær bæði til Skaftafells III og IV. Byggingarheimildir skv. aðalskipulagi eru fullnýttar á Skaftafelli III. Breytingin felur í sér að skilmálar breytast þannig að sambærileg uppbygging geti einnig átt sér stað á landi Skaftafells IV og verður því um tvöföldun á uppbyggingu að ræða. Tillagan var auglýst með athugasemdarfresti frá 15. apríl til 27. maí 2024. Á fundi umhverfis- og skipulagsnefndar 5. júní 2024 var óskað eftir viðbrögðum umsækjenda og ásýndarmyndum af svæðinu sem nú eru lagðar fram.

Bæjarstjórn Sveitarfélagsins Hornafjarðar samþykkti þann 8. febrúar 2024 að auglýsa tillögu að breytingu deiliskipulags Skaftafells III og IV. Í breytingunni fellst að byggingarheimildir aukast úr 35 gisti- og þjónustuhúsum í 70 hús með samtals 70 gistirýmum sem jafngildir 140 gistirúmum. Tillagan var auglýst með athugasemdarfresti frá 15. apríl til 27. maí 2024. Nefndin fjallaði um innkomnar umsagnir á fundi 5. júní 2024 var óskað eftir viðbrögðum umsækjenda og ásýndarmyndum af svæðinu sem nú eru lagðar fram.

Tillaga að nýju deiliskipulagi fyrir Hagahverfi, sem hefur vinnuheitið ÍB5, sem er staðsett við hlið tjaldsvæðis. Megintilgangur með deiliskipulaginu er að móta hverfi með vistvænum áherslum í samræmi við markmið aðalskipulags Hornafjarðar. Með uppbyggingunni er verið að koma til móts við íbúðaskort í þéttbýlinu á Höfn þar sem íbúum hefur fjölgað hratt undanfarin ár. Á svæðinu er gert ráð fyrir sérbýli, einbýlishúsum, parhúsum og raðhúsum ásamt fjölbýlishúsum á 2-3 hæðum auk kjallara. Alls er gert ráð fyrir um 200 íbúðareiningum á svæðinu. Tillaga að deiliskipulaginu var auglýst með athugasemdarfresti frá 8. apríl til 24. maí 2024. Nefndin fjallaði um innkomnar umsagnir á fundi 5. júní 2024.

Tillaga að deiliskipulagi verslunar- og þjónustusvæðis við innkomu á Höfn, austan við Hafnarbraut. Markmið með deiliskipulaginu er að móta nýtt svæði fyrir stærri verslanir og aðra rýmisfreka verslunar- og þjónustustarfsemi á Höfn. Íbúafjölgun og vaxandi fjöldi ferðamanna hefur skapað forsendur fyrir meiri verslun og þjónustu. Gert er ráð fyrir þremur lóðum undir verslunar- og þjónustustarfsemi á skipulagssvæðinu. Lagður er grunnur að vönduðum frágangi byggðar og umhverfis innan skipulagssvæðisins. Tillaga að deiliskipulaginu var auglýst með athugasemdarfresti frá 8. apríl til 24. maí 2024. Nefndin fjallaði um innkomnar umsagnir á fundi 5. júní 2024.

Unnið er að uppsetningu skiltis við innkomuna í sveitarfélagið, byrjað verður við þjóðveginn vestantil og síðan austantil í kjölfarið. Útlit skiltisins liggur fyrir en unnið er að nánari hönnun og nákvæmri staðsetningu þess. Óskað er eftir áliti umhverfis- og skipulagsnefndar vegna staðsetningu skiltisins og fyrirkomulagi verksins.

Erindi dagsett 10. júní 2024 þar sem Heppu veitingar óska eftir heimild til að nýta staura sem standa á lóð sveitarfélagsins á gatnamótum Víkurbrautar og Heppuvegar undir skilti sem vísar á veitingastaðinn og brugghúsið. Stærð skiltis er um 150 x 115 cm.

Unnið er að gerð loftslagsbókhalds fyrir sveitarfélagið.