Umhverfis- og skipulagsnefnd

Erindi Fauska ehf. vegna starfsmannaíbúða að Bugðuleiru 6 lagt fram. Óskað er eftir heimild til heilsársnýtingu fyrir starfsmenn í húsnæðinu. Í bókun skipulagsnefndar frá 7. febrúar 2018 var samþykkt að heimila fyrirhugaða notkun húsnæðis tímabundið til tveggja ára eða þar til deiliskipulag á svæðinu hefur öðlast gildi. Ekki lá þá fyrir deiliskipulag á lóðinni en fyrirhugað var að hefja þá vinnu árið 2018. Í þeirri vinnu átti að taka afstöðu til starfsmannaíbúða á svæðinu.Deiliskipulag hefur enn ekki verið gert en svæðið er á skilgreindu athafnasvæði AT1.

Tekið fyrir erindi þar sem óskað er eftir umsögn sveitarfélagsins um lögbýlisskráningu Skaftafells 3 L222633. Skv. gildandi aðalskipulagi er svæðið landbúnaðarsvæði.

Óskað hefur verið eftir staðfestingu á merkjalýsingu fyrir Breiðabólsstað 5. Í merkjlýsingunni er lóðin uppmæld og afmörkuð.

Tekin er fyrir umsókn Einars Bjarna Gunnarssonar um stækkun lóðar Hafnarbraut 47 til norðurs. Lóðin er skráð 900 m2 skv. lóðaleigusamningi frá 2017. Óskað er eftir að lóðin verði um 1.100 m2 í samræmi við eldri uppdrátt. Ekki er til deiliskipulag fyrir svæðið.

Ásgeir Núpan Ágústsson og Valgerður Egilsdóttir óska eftir staðfestingu á merkjalýsingu sem gerir ráð fyrir stofnun nýrrar lóðar í landi Seljavella. Um er að ræða 1.050 fm lóð utan um íbúðarhús.

Stefán Benediktson óskar eftir skiptingu landeignar úr jörð Skaftafell III.

Farið yfir stöðu aðalskipulagsins og næstu skref. Lagt fram minnisblað um landnotkun á jaðri þjóðgarðs og samráð við Vatnajökulsþjóðgarðs.

Tekin er fyrir fyrirspurn um hvort leyfi fáist til að reisa 30 m2 garðhús á lóð Pakkhússins, Krosseyjarvegi 3. Í gildi er deiliskipulag Hafnarvík - Heppa frá 2011.

Til stendur að hefja hönnunarvinnu fyrir áfanga 4B við endurbætur á fráveitukerfi Hafnar. Framkvæmd mun fela í sér m.a. endurnýjun búnaðar á túni vestan við Nýheima. Í gildi er deiliskipulag miðbæjar Hafnar frá 1988.

Tekin fyrir drög að deiliskipulagsbreytingu fyrir Hafnarvík-Heppu.

Tekin fyrir beiðni um að lóðirnar Hafnarbraut 23 og 25 verði sameinaðar í eina svo að reisa megi þar tveggja hæða gistiheimili með 10-14 litlum íbúðum.Hafnarbraut 23 og 25 eru innan miðsvæðis í aðalskipulagi. Í gildi er deiliskipulag miðbæjar Hafnar frá 1988.

Rarik sækir um framkvæmdaleyfi til að plægja og leggja háspennustreng frá Hofi að Hvalvörðugilslæk í Öræfum. Strengurinn er ætlaður til uppbyggingar aðstöðu fyrir starfsmenn og ferðamenn við Hvalvörðugilslæk.

Tekin er fyrir fyrirspurn um hvort sveitarfélagið þurfi að hafa aðkomu að máli er varðar borun eftir heitu vatni til heimanotkunar undir 3,5 MW varma í landi Hlíðarbergs 1.

Sótt er um endurútgáfu framkvæmdaleyfis vegna breytingar á vegi að Borgarhöfn 2-3 Neðribæ. Bæjarstjórn Hornafjarðar samþykkti að veita framkvæmdarleyfi til vegarins þann 12. nóvember 2020 með þeim skilmálum sem fram koma í umsögn Minjastofnunar Íslands frá 27. október 2020. Endurnýja þarf framkvæmdarleyfið þar sem ekki var byrjað á framkvæmdum innan árs frá því það var samþykkt.

Innviðaráðuneytið í samstarfi við umhverfis-, orku- og loftslagsráðuneytið vinnur að kortlagningu á verkefnum á sviði umhverfismála hjá sveitarfélögum. Óskað eftir að sveitarfélagið taki saman og sendi eftirfarandi upplýsingar.Hvaða stefnum á sviði umhverfismála býr sveitarfélagið að (umhverfis-, hringrásar-, náttúruverndar-, loftlags- eða aðrar)?Ef stefnur á sviði umhverfismála eru til staðar:- hvenær voru þær síðast uppfærðar?- fylgir þeim aðgerðaáætlun?Hver eru helstu lögbundnu verkefni á sviði umhverfismála sem sveitarfélagið sinnir að staðaldri?Hver eru helstu sértæku verkefni á sviði umhverfismála sem sveitarfélagið hefur kosið að vinna að?Hver eru helstu verkefni á sviði umhverfismála sem sveitarfélagið hefur hug á að sinna en ekki haft tök eða bolmagn til að sinna?

Lögð var fram kæra vegna ákvörðun bæjarstjórnar frá 2. október þar sem vikið er frá kröfum í deiliskipulagi fyrir frístundasvæði Stafafells Lóni, um mænisstefnu og ásýnd hússins á lóðs nr. 1D. Úrskurðarnefnd umhverfis- og auðlindamála kvað upp í málinu þann 21. janúar sl.Að teknu tilliti til málsatvika er ekki álitið að grenndarréttur kæranda sé skertur með þeim hætti að hann teljist hafa lögvarða hagsmuni í málinu. Kröfu kæranda um ógildingu hinnar kærðu ákvörðunar var vísað frá úrskurðarnefndinni.