Ungmennaráð Hornafjarðar

Á fund ungmennráðs komu þær Hugrún Harpa Reynisdóttir og Kristín Vala Þrastardóttir frá Nýheimum. Þær komu til að kynna fyrir ungmennaráði fjölbreytt verkefni m.a. í valdeflingu sem þær hafa hug á að bjóða fulltrúum ungmennaráðs að taka þátt í á nýju ári. Ungmennaráð hlakkar til að heyra aftur í þeim stöllum á nýju ári til að festa niður hentugar dagsetningar á verkefninu.

Fulltrúar ungmennaráðs áttu mjög gott samtal hvers vegna þau væru í ungmennaráði og hvers mætti vænta af þeim í krafti ungmennaráðs. Margar flottar hugmyndir komu fram sem ungmennaráð mun vinna áfram með og koma þeim á framfæri á réttum vettvangi.