Ungmennaráð Hornafjarðar

Ungmennaráð hefur ákveðið að halda vinnufund með tilheyrandi hugarstormi til að setja saman áætlun fyrir Skuggakosningarnar. Búast má við öðrum fundi ungmennaráðs seinnipartinn í febrúar til að klára áætlunina.

Ungmennaráð tók vel í hinsegin viku sem fyrirhuguð er í sveitarélaginu í mars. Ungmennin voru spurð útí viðburði sem hægt væri að framkvæma í vikunni og ekki stóð á svörunum frá þeim:
Fá Pál Óskar með tónleika - bíósýningar Brokeback Mountain - ef ekki er hægt að mála regnbogastíginn þá væri flott að kaupa hvíta boli og skreyta þá með málningu í regnbogalitunum - halda gleðigöngu/regnbogagöngu þar sem fólk klæðist regnbogabolunum sínum - virkja í okkur listræna genið og búa til marglit listaverk í snjónum með náttúrulegum umhverfisvænum litum t.d. matarlit (því þá má borða) - einhverjir að baka regnbokakökur og selja - glens og gaman fyrir alla án fordóma.

Skýrsla tvö af fjórum um Börn og netmiðla var lögð fram til kynningar hjá ungmennaráði. Þessi skýrsla fjallar um kynferðisleg komment og nektarmyndir á samfélagsmiðlum. Ágætis umræður áttu sér stað eftir kynningu á skýrslunni en þar fór hæst hvað börn væru ung þegar þau væru komin á samfélagsmiðla. Ekki er óeðlilegt að 10 ára börn séu komin með myndsíma í hendur og eiga mörg hver aðganga á samfélagsmiðla. Ungmennaráði finnst að ekki þurfi einungis að fræða börn/unglinga um hættuna á samfélagsmiðlunum heldur foreldrana líka - fá þau til að tala við börn sín og reyna að seinka aðgangi þeirra að samfélagsmiðlum.

1) Starfsmanni falið að fá upplýsingar um æfingatíma þeirra í leiklistinni.