Ungmennaráð Hornafjarðar

Deiliskipulag af Miðsvæði Hafnar lagt fram til kynningar. Brynja Dögg Ingólfsdóttir skipulagsstjóri kom og kynnti fyrir ungmennaráði fyrirhugað deiliskipulag á miðsvæði Hafnar. Ungmennin voru hvött til að senda inn athugasemdir eða spurningar á skipulagsstjóra varðandi deiliskipulagið ef einhverjar væru. Þökkum Brynju fyrir áhugaverða kynningu.

Áætlað er að halda hinsegin viku í sveitarfélaginu í lok mars - byrjun apríl. Beðið er eftir svörum frá Samtökunum 78 sem munu halda hér fræðslu á Höfn fyrir alla aldurshópa og að sjálfsögðu
fyrir almenning líka. Fólk er hvatt til að fylgjast með á samfélagsmiðlum sveitarfélagsins og á Hornafjordur.is því allar upplýsingar munu birtast á þessum miðlum er nær dregur.

Það styttist hratt í sveitarstjórnarkosningar, þær eru hreinlega handan við hornið. Ungmennaráð mun halda Skuggakosningar í aðdraganda sveitarsjórnarkosninganna. Ungt fólk í 7. bekk Heppuskóla þ.e. 13 ára til og með 17 ára ungmennum fæddum 2005 mun standa til boða að taka þátt í þessum kosningum. Mikið þarf að spá og spekúlera og vanda til verks í verkefni sem þessu. Ungmennaráð mun standa fyrir kynningum á þeim stjórnmálaflokkum sem munu bjóða sig fram á Höfn. Við hvetjum öll ungmenni til að mæta á þessar kynningar þegar þær verða boðaðar. Fylgist því með samfélagsmiðlum, Instagrami ungmennaráðs og að sjálfsögðu verður heimasíða Unghofn endurnýjuð lífdaga. https://unghofn.wixsite.com/unghofn

Ungmennaráð mun að einhverjum hætti koma að fjölskyldusprelli á Humarhátíð 2022 í það minnsta á laugardeginum. Við erum farin að hlakka til :) ... en hvað með þig?