32. fundur

8. apríl 2024 kl. 16:15 - 17:15

í Miðgarði

Nefndarmenn

Ragnheiður Rafnsdóttir formaður

Sveinbjörg Jónsdóttir varaformaður

Björgvin Hlíðar Erlendsson aðalmaður

Gunnar Stígur Reynisson aðalmaður

Íris Heiður Jóhannsdóttir aðalmaður

Dagmar Lilja Óskarsdóttir Fulltrúi ungmennaráðs

Starfsmenn

Skúli Ingibergur Þórarinsson

Fundargerð ritaði:

Skúli Ingibergur Þórarinsson sviðsstjóri velferðarsviðs

Dagskrá

1.

Samþætt heimaþjónusta og heimahjúkrun

Málsnúmer 202311095

Verið hefur til skoðunar að taka upp samræmt matstæki við mat á þjónustuþörf í Þjónustan heim. Það er álit starfsmanna að RAi matstækið sé best til þess fallið, auk þess sem innleiðing þess í heimahjúkrun er hluti af landsátaki í málefnum aldraðra, Gott að eldast.

Innleiðing á Rai-mati í þjónustu stuðnings- og virkniþjónustu velferðarsviðs kynnt. Herdís Hjörleifsdóttir félagsráðgjafi mun aðstoða við innleiðingu á matstækinu og sjá um þjálfun starfsfólks. Velferðarnefnd fagnar innleiðingunni.

2.

Öruggara Suðurland - Svæðisbundið samráð

Málsnúmer 202403075

Öruggara Suðurland er samráðsvettvangur gegn ofbeldi og öðrum afbrotum á suðurlandi milli Sýslumannsins á Suðurlandi, Heilbrigðisstofnunar Suðurlands, Lögreglustjórans á suðurlandi og sveitarfélaga á Suðurlandi. Markmið samráðsins er að auka markvisst þekkingu á málaflokkum samstarfsaðila á afbrota- og forvarnarvinnu á Suðurlandi og á þeirri þjónustu sem verið er að veita borgurum í landshlutanum, kynna nýjungar og þjónustu í málaflokknum, styrkja undirstöður til framtíðar fyrir svæðisbundið samstarf gegn ofbeldi og öðrum afbrotum, efla samvinnu við úrlausn mála, ásamt því að efla samstarfsaðila í að takast á við málefni jaðarsettra hópa, ofbeldi og önnur afbrot.

Drög að samstarfsyfirlýsingu í tengslum við verkefnið Öruggara suðurland lögð fram til kynningar. Samstarfyfirlýsingunni vísað áfram til bæjarráðs til umfjöllunar.

3.

Barnaverndarþjónusta Fjarðabyggðar og Sveitarfélagsins Hornafjarðar - 2024

Málsnúmer 202404014

Þann 1.3.2023 tók gildi samningur um barnaverndarþjónustu Fjarðarbyggðar og Sveitarfélagsins Hornafjarðar. Samkvæmt 9. gr. samningsins átti að endurskoða hann fyrir 31. desember 2023. Aðilar samningsins voru einróma sammála um að ganga frá endurnýjun samningsins og er nú nýr samningur lagður fram til kynningar.

Endurnýjaður samningur lagður fram til kynningar. Velferðarnefnd vísar samningnum áfram til umfjöllunar í bæjarráði.

4.

Til umsagnar 143.mál um málefni aldraðra (réttur til sambúðar)

Málsnúmer 202404017

Óskað er eftir umsögnum um 143. mál um málefni aldraðra. Frumvarpið snýr að rétti einstaklinga til sambúðar þegar annar aðili dvelur á stofnun fyrir aldraða.

Velferðarnefnd felur starfsmanni nefndar að gera umsögn í samræmi við umræður á fundinum.

5.

Fjárhagsaðstoð

Málsnúmer 202403059

Bókað í trúnaðarmálabók

6.

Fjárhagsaðstoð

Málsnúmer 202404018

Bókað í trúnaðarmálabók

7.

Velferðarnefnd 2022-2026

Málsnúmer 202302029

Umræða um fundartíma velferðarnefndar

Fundartími velferðarnefndar og ungmennaráðs skarast, fyrsta mánudag í mánuði. Velferðarnefnd samþykkir að færa fundartíma sinn til annars mánudags í hverjum mánuði.