Tónskóli Austur-Skaftafellssýslu

Almenn stefna

Skólinn starfar eftir aðalnámsskrá tónlistarskóla (2000). Stefnt er að því að allir nemendur taki áfangapróf samkvæmt fagnámsskrám.

Einkatímar

Nemendur fá 1 klst. á viku í einkatíma sem skiptist eftir þörfum (15–30 mín. x 2–4 sinnum). Á fyrsta ári er kennt tvisvar í viku í 30 mín. Nemandinn byrjar í tónfræði á 2.–3. ári og einnig byrja nemendur sem eru á hljómsveitarhljóðfærum í markvissum hljómsveitaræfingum.

Miðnám

Kennslan getur breyst í 1x60 mín. einkatíma á viku, eftir mati kennara.

Framkomur

Nemendur koma reglulega fram á tónleikum og öðrum viðburðum. Undirbúningur og æfingar heima eru forsenda framfara.

Hljóðfæranám
Byggist á daglegri, reglubundinni heimaæfingu. Kennt er á: Píanó, hljómborð, harmóniku, klarínett, þverflautu, saxófón, trompet, horn, baritone, básúnu, gítar, bassa, trommur

Skólinn lánar hljóðfæri í allt að 3 ár án gjalds, að því loknu er greidd leiga.

Forskóli

Skyldunám fyrir 7 ára börn í 2. bekk Grunnskóla Hornafjarðar. Kennslan fer fram í skólatíma, að kostnaðarlausu.

Markmið: Undirbúa nemendur fyrir hljóðfæranám.
Nemendur koma fram á tónleikum, og lögð er áhersla á samstarf heimila og skóla. Foreldrar eru hvattir til að styðja við námið heima.

Tónfræðinám

Kennt í 5–12 manna hópum, 1 klst. á viku, eftir 1–3 ára hljóðfæranám eða frá 6. bekk.
Kennsla felur í sér nótnaskrift, tónheyrn, takt, tónlistarsögu og hlustun. Nemendur taka próf í lok náms.

Tónfræði er nauðsynlegur hluti hljóðfæranáms og próf í henni er forsenda fyrir því að ljúka hljóðfæraprófi.

Samspil

Samspil er mikilvægur þáttur í námi. Í boði eru hópar allt skólaárið (t.d. lúðrasveit) og tímabundnir hópar (t.d. poppsamspil og samleikur). Nemendur fá einnig þjálfun með undirleik.