Oft þarf lítið til að skapa réttu kringumstæðurnar til að virkja vitund viðstaddra fyrir ábyrgð sinni í umferðinni og votta fórnarlömbum virðingu sína. Dagurinn er ekki aðeins tileinkaður minningu látinna í umferðinni heldur hefur skapast sú venja hér á landi að heiðra þær starfsstéttir sem sinna björgun og aðhlynningu þegar umferðarslys verður. Eru þessum starfsstéttum færðar þakkir fyrir mikilvægt og óeigingjarnt starf þeirra.
