Kæru íbúar Hornafjarðar,
Velferðarsvið Hornafjarðar er nú að undirbúa móttöku flóttafólks en sveitarfélagið er eitt af móttökusveitarfélögum í samræmdri móttöku flóttafólks. Tilgangur samræmdrar móttöku er að auðvelda einstaklingum og fjölskyldum að taka sín fyrstu skref á Íslandi og styrkja þau til að nýta styrkleika sína við að koma sér fyrir í nýju samfélagi. Ennfremur að tryggja samfellu í þjónustu og samræma aðkomu allra þjónustuaðila.