Sveitarfélagið Hornafjörður og AFL starfsgreinafélag hafa nú undirritað samning og er því ánægjulegt að fyrirhuguðu verkfalli sé aflýst og að aðilar gangi sáttir frá borði.
Samið var um sólarlagsákvæði á þau sérákvæði sem ágreiningur var um, en það er það sem sveitarfélagið bauð AFLi strax í byrjun júlí. Viðmiðunardagsetning um sólarlagsákvæði verður hins vegar 1. september í stað 31. mars.
Kjarasamningurinn mun fara í kynningu strax eftir helgina og þá greiða félagsmenn AFLs atkvæði um hann – niðurstaða atkvæðagreiðslu mun liggja fyrir þann 15. október.