Umhverfið okkar

Íbúar finna fyrir áhrifum loftslagsbreytinga, m.a. vegna hörfunar jökla og áhrifa á heimahaga, sjávarútveg, landbúnað og ferðaþjónustu. Verndun umhverfis og náttúru er því sameiginlegt hagsmunamál íbúa, fyrirtækja og stofnana og grunnur að samstarfi í umhverfismálum. Ferðamönnum fjölgar og mikilvægt er að þeir taki, líkt og íbúar, þátt í að styðja jákvæða þróun.

Hornafjörður er víðfeðmt sveitarfélag þar sem byggð er dreifð á um 200 km svæði, frá Hvalnesskriðum að Skeiðarársandi. Flestir búa á Höfn en einnig í dreifbýli.

Náttúra svæðisins er einstök og fjölbreytt, með stóran hluta Vatnajökulsþjóðgarðs, strandlengjur, sanda, ár og vötn.

Helstu áherslur í umhverfismálum:

• Vernda og viðhalda fjölbreyttu lífríki svæðisins
• Styðja við vernd og endurheimt votlendis
• Vernda mikilvæg búsvæði fugla, t.d.:
  • strandlengjur
  • votlendi
  • mólendi
  • svæði við ár og vötn
• Vernda viðkvæmt lífríki fjöru og grunnsævis gegn mengun
• Koma í veg fyrir utanvegaakstur sem veldur langvarandi skemmdum á gróðri og landi

Fuglalíf er fjölbreytt og svæðið vinsælt til fuglaskoðunar, sem undirstrikar mikilvægi verndar búsvæða. Strendur gegna einnig mikilvægu hlutverki fyrir bæði land- og sjávarspendýr.